Asus Eee PC

in Wikipedia, die vrye ensiklopedie
Asus Eee PC 1008HA

Eee PC [iː piː siː] is 'n reeks van netboek-skootrekenaars wat deur die Nasionaal-Chinese rekenaarvervaardiger Asus vervaardig word. Die akroniem Eee is uit die beginletters van die reklameleuses „Easy · Excellent · Exciting“ (eenvoudig, uitstekend, opwindend) en „Easy to Learn, Easy to Work, Easy to Play“ gevorm.[1]

Geskiedenis[wysig | wysig bron]

Eee-PC-netboek-skootrekenaars was aanvanklik veral op die massamark in nuut geïndustrialiseerde lande gemik en is eers later ook in tradisionele nywerheidslande as leefstylprodukte ingevoer.

Die eerste skootrekenaar, wat onder die naam Eee PC teen 'n relatief lae prys bemark is, was die Eee PC 700-mini-skootrekenaar. Intel het vir hierdie kategorie klein skootrekenaars in Februarie 2008 die vakterm netbook ingevoer.[2] Die Eee PC 700 is vanaf 16 Oktober 2007 op die Nasionaal-Chinese mark aangebied, vroeg in November in die Verenigde State en vanaf mid-November ook in die Verenigde Koninkryk. Die rekenaar is vanaf 24 Januarie 2008 op die Duitse en Oostenrykse mark aangebied.

Die vraag na Eee-PC-rekenaars was in alle lande van begin af hoër as die aanbod. Asus het geen verkoopsyfers bekend gemaak nie, maar hulle was sterk genoeg dat 'n hele reeks mededingers van die geleentheid gebruik gemaak het en soortgelyke mini-skooterekenaars begin vervaardig het.

Verwysings[wysig | wysig bron]

  1. "Webtuiste van die Asus Eee PC". Geargiveer vanaf die oorspronklike op 22 Junie 2008. Besoek op 22 Junie 2008.
  2. bloomberg.com: Intel to Sell Chips for Laptops Priced as Low as $250