Ave Duthie
| ' | |
 | |
| Gebore | 18 Julie 1881 Belvidere, Knysna |
|---|---|
| Oorlede | 8 Augustus 1963 (op 82) Belvidere |
| Plek van graf | Belvidere |
| Burgerskap | Suid-Afrika |
| Nasionaliteit | Suid-Afrikaans |
| Vakgebied | Plantkunde |
| Instelling(s) | Universiteit van Stellenbosch |
| Alma mater | Universiteit van die Kaap die Goeie Hoop |
Augusta Vera Duthie (18 Julie 1881 - 8 Augustus 1963) was ‘n Suid-Afrikaanse plantkundige.
Dr. Ave Duthie is gebore op die familielandgoed Belvidere, net buite Knysna. Sy was die tweede dogter van Archibald Hamilton Duthie en sy vrou Augusta en die kleindogter van T. H. Duthie. Sy studeer Plantkunde, Natuurkunde en Wiskunde aan die Hugenote-kollege in Wellington. In 1902 ken die Universiteit van die Kaap die Goeie Hoop die BA-graad aan haar toe en word so die eerste persoon gebore op Knysna wat ‘n graad verwerf. Daarna word sy aangestel as lektrise in Plantkunde aan die Victoria Kollege (nou die Universiteit van Stellenbosch) om die Departement Plantkunde daar te stig. In 1910 behaal sy ‘n MA-graad by die Universiteit van die Kaap die Goeie Hoop en in 1912 ken die Universiteit van Suid-Afrika ‘n doktorsgraad aan haar toe oor ‘n verhandeling getiteld The vegetation and flora of the Stellenbosch flats. Na haar aftrede in Desember 1939 vestig sy haar weer op Belvidere.
Haar navorsing was gerig op die plantspesies en plantegroei rondom Stellenbosch. ‘n Twintigtal publikasies oor die onderwerp is internasionaal bekend. Duthie se bydrae tot die plantkunde van Suid-Afrika word herdenk in gebrandskilderde vensters van die Belvidere Holy Trinity-kerk. Twee van die dertien nuwe plantspesies wat sy ontdek het, verskyn in die vensters. Sy was die grondlegger van die Botaniese tuin op Stellenbosch. Die Duthie-natuurreservaat in Banhoekweg, Stellenbosch is ‘n Suid-Afrikaanse natuurerfenisprojek.
Die standaardskrywerafkorting A.V.Duthie word gebruik om haar as die skrywer aan te dui wanneer 'n botaniese naam aangehaal word.
Sy lê begrawe tussen ander lede van haar familie in die kerkhof van die kerkie op Belvidere.
Eponieme
[wysig | wysig bron]- Duthiastrum
- Chlorotalpa duthieae, 'n tipe mol.
- Impatiens duthieae nou 'n sinoniem van Impatiens hochstetteri subsp. hochstetteri
- Ischyrolepis duthieae nou 'n sinoniem van Restio duthieae
- Ornithogalum duthiae nou 'n sinoniem van Ornithogalum nanodes
- Psilocaulon duthieae nou 'n sinoniem van Mesembryanthemum articulatum
- Romulea duthieae nou 'n sinoniem van Romulea tabularis
- Ruschia duthieae
- Stomatium duthieae
Sien ook
[wysig | wysig bron]Bibliografie
[wysig | wysig bron]- Fourie-Basson, Wilda: Ontmoet 'Miss Duthie', die botanis van Belvidere. In: Die Burger, 28 Junie 2025
- Knysna Museum
- Standard Encyclopaedia of Southern Africa, deel 4. Kaapstad: Nasou, 1971. ISBN 0-625-00320-9
- van Wijk, Elfriede: Waar vrede woon. In: Suid-Afrikaanse Panorama. Jaargang 36, nr. 6, November/Desember 1991. ISSN 0491-4783