Azerbeidjanse Staatsuniversiteit vir Ekonomiese Studies
| Azerbeidjanse Staatsuniversiteit vir Ekonomiese Studies | |
|---|---|
| Gestig: | 1930 |
| Tipe: | Openbare universiteit |
| Rektor: | Prof. Adalat Muradov |
| Fakulteite: | 20 fakulteite |
| Studentetal: | 12,000 |
| Ligging: | Bakoe, Azerbeidjan |
Die Azerbeidjanse Staatsuniversiteit vir Ekonomiese Studies (Azerbeidjans: Azərbaycan Dövlət İqtisad Universiteti (ADIU) ) is 'n openbare universiteit wat in Bakoe, Azerbeidjan geleë is. Die universiteit is in 1930 gestig en is een van die grootste opvoedkundige instellings van die Suid-Kaukasiese streek. Die universiteit beskik oor 14 fakulteite waar 16,000 studente opleiding ontvang. Dit bied meestersgraadprogramme in 57 spesialiteite aan, met meer as 1,000 dosente, waaronder 62 professore en 344 doktore, onder wie aktiewe lede van die Azerbeidzjanse Nasionale Akademie vir Wetenskappe, die New York Akademie vir Wetenskappe, wenners van staatstoekennings, vereerde dosente en wetenskaplikes.
Die universiteit is 'n volwaardige lid van die Europese-universiteitsvereniging, Federasie van Universiteite van die Islamitiese Wêreld, die Universiteitsraad van die Organisasie vir Samewerking tussen State van die Swart See, en die Eurasiese Vereniging van Universiteite. Daar is ook 650 voor- en nagraadse studente uit tien lande van oor die wêreld wat aan die universiteit onderrig ontvang. In 2007 is 'n Biblioteek- en Inligtingsentrum en 'n studentloopbaansentrum by die universiteit geopen. 'n Nuwe opvoedkundige gebou bestaande uit sewe verdiepings wat aan die hoogste internasionale standaarde voldoen is ook geopen. Die universiteit staan tans onder voorsitterskap van die rektor, professor Adalat Muradov en vyf ander viserektore. [1][2].
Eredoktore[wysig | wysig bron]
- H.E Mr. Heydar Aliyev, voormalige president en nasionale leier van die Azerbeidjanse Republiek
- H.E Mrs. Suzanne Mubarak, voormalige presidentsvrou van Arabiese Republiek van Egipte
- Dr. Ismail Serageldin, direkteur van die Bibliotheca Alexandrina
- H.E Mr. Konstantinos Stephanopoulos, voormalige President van Griekeland
- Joseph Stiglitz, Nobelpryswenner
- Erik Stark M, Nobelprys wenner in Ekonomie, professor aan Harvard-universiteit
- Finn Erlinq Kidland, Nobelprys wenner in Ekonomie, professor aan die Carnegie-Mellon-universiteit, Noorweë
- Christopher A. Pissarides, Nobelprys wenner in Ekonomie, programdirekteur aan die Londense Skool vir Ekonomiese Studies
- Robert Mandell, professor aan Columbia-universiteit – VSA, Nobelprys wenner[3]
- Roger Myerson, Nobelprys wenner in Ekonomie, professor aan Arizona-universiteit (VSA)
- Kenneth Arrow, Nobelprys wenner in Ekonomie, professor aan Harvard-universiteit (VSA), stigter van die Skool vir Ekonomiese Studies[3]
Bekende graduandi[wysig | wysig bron]
- Ismat Abbasov, Vise eerste minister van die Azerbeidjanse Republiek
- Avaz Alakbarov, voormalige Minister van Finansies van die Azerbeidjanse Republiek
- Fizuli Alakbarov, voormalige Minister van Arbeid en Maatskaplike beskerming van Azerbeidjan
- Azer Amiraslanov, die hoof van die Departement vir Landbou beleid van die Presidensiële Administrasie van Azerbeidjan
- Heydar Asadov, Minister van Landou van Azerbeidjan
- Rufat Aslanli
- Nazim Ibrahimov
- Telman Ismailov
- Karam Hasanov
- Mikayil Jabbarov, Minister van Opvoeding van Azerbeidjan
- Eldar Mahmudov, voormalige Minister vir Sekuriteit van die Azerbeidjanse Republiek
- Fazil Mammadov, Minister van Belasting van die Azerbeidjanse Republiek
- Ali Masimov, voormalige waarnemende eerste minister van die Azerbeidjanse Republiek
- Salim Muslumov, Minister van Arbeid en Maatskaplike beskerming
- Shahin Mustafayev, Minister van Ekonomie en Industrie van die Azerbeidjanse Republiek
- Elman Rustamov, voorsitter van die Bestuursraad van die Sentrale Bank van Azerbeidjan
- Aris Hüseynov, Ekonoom-Rekenkundige van die BCC Groep van Maatskappye
Interessante feite[wysig | wysig bron]
Ali and Nino[wysig | wysig bron]
Kurban Said se roman Ali and Nino begin in 'n klaskamer in 'n gebou van die Universiteit vir Ekonomiese Studies in Bakoe. Ali Khan, die protagonis, neem sy finale eksamens in die gebou wat geleë is in een van Bakoe se mees luisterryke strate - Onafhanklikheidstraat (Istiglaliyyat) alhoewel dit ten tyde van die skryf van die roman bekend gestaan het as Nikolaistraat (vernoem na die Russiese tsaar Nikolaas II). Nino se skool, nou Openbare Skool No. 132, is oorkant die straat geleë.
Interessantheidshalwe het beide Yusif Vazir Chamanzaminli (1887-1943),[4] en Essad Bey/Lev Nussimbaum (1905-1942) hierdie skool bygewoon. Vazirov het die Baku Realni Hoërskool bygewoon (nadat hy aan die begin van 1906 oorgeplaas is as 'n vlugteling vanaf Shusha) en in 1909 gegradueer.
Lev Nussimbaum het die Gimnasium No. 2 vir mans bygewoon wat op daardie stadium (1914-1920) binne Baku Realni geleë was. Hoewel Nussimbaum dikwels as gevolg van siekte en politiese onluste afwesig was, was hy vanaf die pre-primêre fase tot die begin van Graad 4 ingeskryf - toe hy die Bolsjewistiese oorname (1920) van die Bakoe-regering ontvlug het. Hierdie skool het klasse aangebied tot Graad 8. Dit wil voorkom uit dokumente asof Nussimbaum sy Azerbeidjanse klas in 1919 gedruip het, wat ook die enigste rekords is wat aandui dat hy ingeskryf het vir klasse in Azerbeidjans.[5]
Verwysings[wysig | wysig bron]
- ↑ "UNEC — RECTOR". unec.edu.az (in Engels). Geargiveer vanaf die oorspronklike op 28 November 2019. Besoek op 28 November 2017.
- ↑ "UNEC — RECTORATE". unec.edu.az (in Engels). Geargiveer vanaf die oorspronklike op 22 Oktober 2019. Besoek op 28 November 2017.
- ↑ 3,0 3,1 "UNEC — HONORARY DOCTORATES". unec.edu.az (in Engels). Geargiveer vanaf die oorspronklike op 3 Oktober 2019. Besoek op 1 Desember 2017.
- ↑ 101 Reasons Why Yusif Vazir Chamanzaminli is the Core Author of Ali and Nino, in Azerbaijan International, Vol. 15:2-4 (2011), pp. 262-333.
- ↑ Azerbaijan Republic State History Archives: Fund 392, List 1, Case 470, Page 13. Photo of Lev Nussimbaum's grade report is published in "Secrets in the Archives: Lev Nussimbaum's Early School Record in Baku," in Azerbaijan International, Vol. 15:2-4 (2011), p. 153. Available in Engels of Azeri.
