Baarle

in Wikipedia, die vrye ensiklopedie
Jump to navigation Jump to search
Baarle-Nassau Baarle-Hertog
Vlag Baarle-Nassau flag.svg Baarle-Hertogvlag.png
Wapen Baarle-Nassau wapen.svg Coat of arms of Baarle-Hertog.jpg-
Land Nederland Belgie
Provinsie Noord-Brabant Antwerpen
Geemeente Baarle-Nassau Turnhout
Oppervlak 76.30 km2 7.48 km2
Bevolking 6668 2592
Digtheid 87/km2 350/km2
Tydsone UTC+1 UTC+1
Area Kode 013 014
Post Kode 5111 2387
Huisnommers LW - landskleure verskyn op die borde Huisnummer Nassau.jpg Huisnummer Hertog.jpg
Webwerf www.baarle-nassau.nl www.baarle-hertog.be
Baarle-Nassau - Baarle-Hertog-nl.png

Koördinate: 51°26′N 4°55′O / 51.433°N 4.917°O / 51.433; 4.917Die dorp Baarle bestaan wettig uit twee dorpe - die Nederlandse dorp Baarle-Nassau en die Belgiese dorp Baarle-Hertog. Die platteland rondom die dorp lê in Nederland. Die stad Baarle-Hertog bestaan uit 16 enklawe van Belgiese grondgebied binne-in Nederland. Binne hierdie Belgiese enklawe is daar nog sewe enklawe wat Nederlandse grondgebied is.

Gedurende die twaalfde eeu was die gebied 'n moeras. In 1198 dra Hendrik I, die Hertog van Brabant, 'n deel van die land oor na Godfried van Schoten, die Heer van Breda. Hendrik behou die lande wat hom huurgeld betaal.[1] Die gebied wat deur Hendrik behou is, is deesdae 'n gedeelte van België. Die gebied wat aan Gotfried oorgedra is, is deesdae 'n gedeelte van Nederland. Willem-Alexander, koning van Nederland is deesdae die "Heer van Breda".[2] Die titel "Hertog van Brabant" is deesdae die titel van die vermoedelik Belgiese troonopvolger. [3]

Grens buite die toeristekantoor

Beide Baarle-Hertog en Baarle-Nassau het hul eie burgemeester. Albei het 'n eie verkose stadsraad, hul eie polisiekantoor en hul eie kerk. Die twee stadsrade kan in sommige gebiede saamwerk. Hulle het 'n gesamentlike raad opgestel om onder andere elektrisiteit, water en gasvoorraad, instandhouding van snelweë en vullisverwydering te voorsien.

Albei rade befonds ook 'n gesamentlike kultuursentrum met 'n gekombineerde biblioteek. Die kultuursentrum het twee amptelike ingange. Die internasionale grens gaan deur die gebou. Die Nederlandse ingang is by Pastoor de Katerstraat 7 en die Belgiese ingang is by Pastoor de Katerstraat 5. Die toeristekantoor is verbonde aan albei die Nederlandse as die Belgiese toeristerade..

Die Nederlandse handelswet is van toepassing in die Nederlandse dele van die stad en Belgiese handelswette is van toepassing op die Belgiese dele. Verskille in die wette het smokkel aangemoedig. Na die Tweede Wêreldoorlog het baie mense botter uit Nederland na België gesmokkel.[4] In hedendaagse tye koop baie mense vuurwerke in België en smokkel dit na Nederland.[5]

Vir mense om te weet in watter land hulle woon, vereis plaaslike wette dat elke huis sy nasionale kleure op die huisnommerplaat vertoon.[6]

Verwysings[wysig | wysig bron]

  1. (en) (2004) “"En Territoire Belge et à Quarante Centimètres de la Frontière" - An historical and documentary study of the Belgian and Dutch enclaves of Baarle-Hertog and Baarle-Nassau”.
  2. (nl) "Volledige lijst van de Nassaus en Oranjes alsheren en baronnen van Breda" (PDF). Gemeente Breda. Besoek op 5 Desember 2019.
  3. (nl) "Prinses Elisabeth, Hertogin van Brabant". Die Belgische Monarchie. Besoek op 5 Desember 2019.
  4. (en) "This is the world's most complex border situation". Euronews. 21 Maart 2018. Besoek op 5 Desember 2019.
  5. (nl) "Smokkelaars van vuurwek betrapt". Gazet van Antwerpen. 29 December 2009. Besoek op 5 Desember 2019.
  6. (nl) "Baarlezine: Magazine van Baalre-Hertog-Nassau Seisoen 2019-2020" (PDF). Stichting Ondernemend Baarle i.s.m. Toerisme - Baarle en BLOCC creatieve communicatie. 2019. p. 19.

Eksterne skakels[wysig | wysig bron]