Badorde

in Wikipedia, die vrye ensiklopedie
Jump to navigation Jump to search
Die Grootkruisster van 'n burgerlike ridder van die Badorde.

Die Badorde (Engels: The Most Honourable Order of the Bath, voorheen bekend as die Most Honourable Military Order of the Bath) is ’n Britse ridderorde wat op 18 Mei 1725 deur George I op die been gebring is. Die naam kom van die Middeleeuse seremonie vir die aanstelling van ’n ridder, waarvan een van die elemente ’n bad was as simbool van reiniging. Die ridders wat so geskep is, was bekend as "Ridders van die Bad".[1] George I het die Ridders van die Bad as ’n militêre orde gestig.[2]

Die orde bestaan uit die monarg (tans Elizabeth II), die grootmeester (tans Charles, Prins van Wallis)[3] en lede wat in drie klasse ingedeel word:[4]

  • Grootkruisridder of Grootkruisdame (GCB)
  • Ridder-kommandeur (KCB) of Dame-kommandeur (DCB)
  • Genoot (CB)

Lede behoort tot óf die burgerlike óf die militêre afdeling.[5] Voor 1815 het die orde net uit een klas, Riddergenoot (KB), bestaan, maar dit bestaan nie meer nie.[6]

Ontvangers van die orde is nou gewoonlik senior militêre offisiere of senior staatsdiensamptenare.[7][8] Lede van die Statebond wat nie onderdane van die koningin is nie en buitelanders kan erelede gemaak word.[9]

Verwysings[wysig | wysig bron]

  1. Anstis, Observations, p. 4.
  2. Patentbrief gedateer 18 Mei 1725.
  3. London Gazette, uitgawe 46428, bladsy 12559. 10 Desember 1974
  4. Statutes 1925, artikel 2.
  5. Statutes 1925, artikel 5.
  6. London Gazette, uitgawe 16972, bladsy 17-20. 4 Januarie 1815
  7. "Order of the Bath" (in Engels). Amptelike webtuiste van die Britse monargie. Geargiveer vanaf die oorspronklike op 8 April 2020. Besoek op 9 Desember 2011.
  8. Statutes 1925, articles 8–12.
  9. Statutes 1925, artikel 8.

Eksterne skakels[wysig | wysig bron]