Bagdad Internasionale Lughawe-teikenaanval van 2020

in Wikipedia, die vrye ensiklopedie
Jump to navigation Jump to search
Qasem Soleimani (links) en Abu Mahdi al-Muhandis (regs) is in die aanval dood.

Te midde van toenemende spanning tussen die Verenigde State (VSA) en Iran, het die VSA op 3 Januarie 2020 'n hommeltuig-aanval geloods op 'n konvooi wat naby Bagdad Internasionale Lughawe gereis het.[1][2] Tien passasiers in die voertuie is dood, waaronder die Iranse generaal-majoor in die Islamitiese Revolusionêre Wagkorps (IRGC) en bevelvoerder van die Koeds-mag, Qasem Soleimani, die adjunk-bevelvoerder van Irak se Volksmobilisasie-magte (PMF of PMU) Abu Mahdi al-Muhandis, vier senior Iranse offisiere en vier Irakse offisiere.[3]

Die aanval het plaasgevind tydens die krisis in die Persiese Golf van 2019 tot 2020, wat begin het nadat die VSA in 2018 aan die 2015-kernooreenkoms met Iran onttrek het. Op 27 Desember 2019 is die K-1-lugbasis in Irak, wat Irakse en Amerikaanse personeel huisves, aangeval en 'n Amerikaanse kontrakteur is dood. Die VSA het gereageer deur lugaanvalle oor Irak en Sirië te loods en 25 Iran-gesteunde Kata'ib Hezbollah-militante is gedood. Op 31 Desember 2019 het Sjia-milisies en hul ondersteuners gereageer deur die Amerikaanse ambassade in die Groen Sone in Bagdad aan te val.[4]

Die dood van Qasem Soleimani het die spanning tussen die VSA en Iran skerp verhoog en die vrees vir 'n konflik ontlok. Iranse leiers het belowe om wraak te neem op die Verenigde State, terwyl Amerikaanse amptenare gesê het dat hulle enige paramilitêre groepe in Irak, wat hulle as 'n bedreiging beskou, eerste sal aanval.

Verteenwoordigers uit China, Rusland, Duitsland, Frankryk, Kanada, Indië, Pakistan en die Verenigde Koninkryk het oproepe tot selfbeheersing en diplomasie gedoen.

Verwysings[wysig | wysig bron]

  1. "Iran vows 'harsh' response to US killing of top general". AP NEWS. 3 Januarie 2020. Geargiveer vanaf die oorspronklike op 3 Januarie 2020. Besoek op 3 Januarie 2020.
  2. Crowley, Michael; Hassan, Falih; Schmitt, Eric (2 Januarie 2020). "U.S. Strike in Iraq Kills Qassim Suleimani, Commander of Iranian Forces". The New York Times. Geargiveer vanaf die oorspronklike op 3 Januarie 2020. Besoek op 3 Januarie 2020.
  3. Lawler, Dave (2 Januarie 2020). "U.S. kills top Iranian commander Qasem Soleimani". Axios. Besoek op 3 Januarie 2020.
  4. "Iraqi supporters of Iran-backed militia attack U.S. embassy". Politico. 31 Desember 2019. Geargiveer vanaf die oorspronklike op 31 Desember 2019. Besoek op 2 Januarie 2020.
Hierdie artikel is in sy geheel of gedeeltelik vanuit die Engelse Wikipedia vertaal.