Baphuon

in Wikipedia, die vrye ensiklopedie
Jump to navigation Jump to search
Baphuon
2016 Angkor, Angkor Thom, Baphuon (17).jpg
Koördinate 13°26′37″N 103°51′21″O / 13.44361°N 103.85583°O / 13.44361; 103.85583
Plaaslike naam  ប្រាសាទបាពួន
Land Vlag van Kambodja Kambodja
Soort Tempel
Streek Siem Reap
Geskiedenis
Bouer Udayadityavarman II
Gestig Middel 11de eeu
Tydperk Middeleeue
Kulture Khmer-ryk

Die Baphuon (Khmer: ប្រាសាទបាពួន) is ’n tempel uit die Khmer-ryk in Angkor, Kambodja. Dit is in Angkor Thom, noordwes van die Bayon, geleë. Die tempel is in die middel 11de eeu gebou en is ’n tempelberg met drie vlakke[1]:103 wat as ’n staatstempel vir koning Udayadityavarman II gebou is.[2]:103 Dit is aan die Hindoegod Shiva gewy.

Beskrywing[wysig | wysig bron]

’n Illustrasie van hoe die tempel in die 11de eeu kon gelyk het, deur Lucien Fournereau (1889).

Die tempel is die argetipe van die Baphuon-styl, met ingewikkelde sneewerk wat elke beskikbare oppervlak bedek.[3] Dit lê aan die koninklike paleis, is 120 x 100 m by sy basis en is sonder sy toring 34 m hoog (moontlik omtrent 50 m saam met die toring).

In die laat 15de eeu is Baphuon in ’n Boeddhistetempel verander. ’n Standbeeld van 9 m hoog en 70 m lank van Boeddha is op die tweede vlak aan die westekant gebou – dit het moontlik vereis dat die toring van 8 m afgebreek moes word, en dit verduidelik die afwesigheid van die toring. Die tempel is gebou op grond wat met sand opgevul is en weens die enorme grootte daarvan was die terrein deur sy hele geskiedenis onstabiel. Groot dele het waarskynlik reeds inmekaargestort teen die tyd dat die Boeddha bygevoeg is.

Teen die 20ste eeu was ’n groot deel van die tempel ruïnes en ’n enorme restourasiepoging is aangewend. ’n Projek om die tempel uitmekaar te haal en die kern te versterk, is laat vaar toe ’n burgeroorlog in 1970 uitbreek. Sowat 300 000 versigtig genommerde en geëtiketteerde blokke was om die tempel versprei, maar die planne wat die stukke geïdentifiseer het, het verlore gegaan in die daaropvolgende dekade van konflik en die Khmer Rouge.

’n Tweede restourasieprojek is in 1996 begin onder toesig van die argitek Pascal Royère[4] van die École française d'Extrême-Orient. Dit het die span 16 jaar geneem om die "grootste 3D-legkaart in die wêreld" te voltooi.[5] In April 2011, ná 51 jaar se werk, is die tempel amptelik heropen. Dit is op 3 Julie dié jaar ingewy.[6]

Galery[wysig | wysig bron]

Verwysings[wysig | wysig bron]

  1. Coedès, George (1968). Walter F. Vella (red.). The Indianized States of Southeast Asia. vert. Susan Brown Cowing. University of Hawaii Press. ISBN 978-0-8248-0368-1.
  2. Higham, C., 2001, The Civilization of Angkor, Londen: Weidenfeld & Nicolson, ISBN 9781842125847
  3. "History of Khmer Art". Tevoda Galleria.
  4. "Mort de Pascal Royère, responsable d'un grand chantier de restauration d'Angkor". Le Monde. 9 Februarie 2014.
  5. Falby, Patrick (29 Oktober 2009). "Cambodian temple puzzle nearly complete". news.com.au.
  6. Suy Se (30 Junie 2011). "Solved puzzle reveals fabled Cambodian temple". Sin Chew Daily. Besoek op 1 Julie 2011.

Eksterne skakels[wysig | wysig bron]

Koördinate: 13°26′37″N 103°51′21″O / 13.44361°N 103.85583°O / 13.44361; 103.85583