Bastille (kasteel)

in Wikipedia, die vrye ensiklopedie
Spring na: navigasie, soek
Hierdie artikel handel oor die kasteel. Vir ander gebruike, sien Bastille (dubbelsinnigheidsbladsy).
Die Bastille (voor sy verwoesting)
Binnekant van die Bastille in 1785, deur Jean Honor Fragonard
Uitleg van die Bastille

Die Bastille (wat eintlik "versterkte kasteel met torings" beteken) is voormalige vesting en tronk in Parys, Frankryk.[1] Tydens die heerskappy van koning Lodewyk XVI van Frankryk dien dit as staatsgevangenis en word dit 'n simbool van die dwingelandy van die absolutistiese monargie. Op 14 Julie 1789 bestorm die Paryse burgers die Bastille en verwoes dit. 'n Verdere styging in die reeds baie hoë broodprys het aanleiding tot die onluste gegee. Hoewel die betekenis van die bestorming destyds oordryf is, word dit as die begin van die Franse Rewolusie beskou. Hierdie gebeurtenis is van groot simboliese belang en word nog steeds in Frankryk as die Fête Nationale (Nasionale Dag) gevier. Van die Bastille self het niks oorgebly nie, behalwe vir sy ou sleutels wat vandag in die museum Hôtel Carnavalet in Parys bewaar word.

Die Bastille is tydens die Honderdjarige Oorlog gebou en was aanvanklik 'n stadspoort. Van 1370 tot 1383 is dit vergroot en in 'n fort omskep. Dit is gebou om die oostekant van die stad en die koninklike paleis te verdedig. Ná die oorlog is dit in 'n tronk omskep. Louis XIII was die eerste koning om gevangenes daar te interneer.

Die kompleks was in die vorm van 'n onreëlmatige reghoek met agt torings. Hierdie torings het elk sy eie naam gehad:

  • Tour du Coin (Hoektoring)
  • Tour de la Chapelle (Kapeltoring)
  • Tour du Trésor (Skattoring)
  • Tour de la Comté (Graafskapstoring)
  • Tour du Puits (Puttoring)
  • Tour de la Liberté (Vryheidstoring)
  • Tour de la Bertaudière
  • Tour de la Basinière

Eksterne skakels[wysig | wysig bron]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Koördinate: 48°51′11″N 2°22′9″O / 48.85306°N 2.36917°O / 48.85306; 2.36917