Beinbrechtbrug

in Wikipedia, die vrye ensiklopedie

Met die Beinbrechtbrug gaan die R406 vanaf Caledon oor die Riviersonderend na Genadendal en Greyton. Die brug is in 1959 tot nasionale gedenkwaardigheid verklaar.

Dit het dikwels in die wintermaande gebeur dat die sendingstasie Genadendal van die buitewêreld afgesny is as die Riviersonderend in vloed was. In 1819 het eerw. J.D. Beinbrecht, wat van 1814 tot 1824 sendeling daar was, die leiding geneem met die bou van ‘n brug oor die rivier. Vyf massiewe pilare van klip, elk 3 tot 4 meter hoog en met ‘n deursnee van 3,6 m by die fondament, is op ‘n afstand van 6m van mekaar gebou. Daaroor is houtbalke gelê. Na slegs 2 jaar is die balke deur vloedwater meegesleur. Die pilare was egter ongeskonde. In 1823 is nog twee pilare gebou en al die ander pilare is ook met 2 m verhoog. Die brug het daarna ‘n lengte van 69 m gehad. Met die vloed van 1881 het die pilaar aan Genadendal se kant meegegee. Eers in 1912 moes die houtwerk vervang word. Ondersteuners van die Morawiese sendingwerk het geld vir die bou en onderhoud van die brug beskikbaar gestel. In 1906 het die Afdelingsraad van Caledon die verantwoordelikheid vir die onderhoud van die brug by die Morawiese Sendinggenootskap oorgeneem. Die houtwerk is in 1912 met staal vervang.

Bronne[wysig | wysig bron]