Berke Khan

in Wikipedia, die vrye ensiklopedie
Spring na: navigasie, soek
Berke
Khan, shahanshah
Dinastie Borjigin, Goue Horde
Geboorteplek Mongolië
Gesterf 1266
Azerbeidjan
Voorganger Oelaktsji
Opvolger Mengoe Timoer
Vader Jotsji

Berke Khan (oorl. 1266) (ook Birkai; Mongools: Бэрх хаан, Tataars: Бәркә хан) was die heerser van die Oeloes van Jotsji, of Goue Horde. Hy het die mag van die Blou en Wit Horde van 1257 tot 1266 gekonsolideer. Hy het sy broer Batoe Khan en broerskind opgevolg as die leier van die Blou Horde (weste) en was verantwoordelik vir die eerste amptelike vestiging van Islam in ’n khanaat van die Mongoolse Ryk.[1]

Ná Batoe Khan se dood het sy seun Sartaq hom opgevolg. Ná laasgenoemde se dood was Berke eers die regent vir sy nefie Oelaktsji, wat net 10 jaar oud was, maar in 1257 het Berke khan geword. Hy het aanvalle uitgevoer teen Litoue en Pole, veral om geld te kry om sy neef Hülegü aan te val.

Hülegü in Bagdad.

Berke en Hülegü[wysig | wysig bron]

Hülegü se ma, Sorghaghtani Beki, was ’n Christen en hy het ’n afkeer van die Islam gehad. Hy was leier van die khanaat in Persië, die Ilkhanaat, en in 1258 het hy Bagdad aangeval en tot op die grond afgebrand. Berke het dit beskou as ’n aanval teen sy mede-Moslems en het wraak gesweer. Hy het Hülegü se leër aangeval en met die Egiptiese Mamelukke saamgespan. Hulle het die Slag van Ain Jalut gewen omdat Hülegü ’n deel van sy leër na Mongolië gestuur het om onder meer die opvolging van Möngke as Groot Khan te reël.

In 1263 het Berke Hülegü se leër verslaan en Hülegü so gekeer in sy poging om die hele Islamitiese wêreld af te brand. Hülegü is in 1265 dood en is opgevolg deur sy seun Abaqa Khan, wat Berke in 1266 vermoor het. Berke is opgevolg deur sy kleinseun Mengoe-Timoer.

Stamboom[wysig | wysig bron]

 
 
 
 
 
 
 
 
 
 
 
 
 
 
 
 
 
 
Jesoegei Baghatoer
 
 
 
 
 
 
 
 
 
 
 
Djengis Khan
 
 
 
 
 
 
 
 
 
 
 
 
 
 
Hoeloen
 
 
 
 
 
 
 
 
 
 
 
Jotsji Khan
 
 
 
 
 
 
 
 
 
 
 
 
 
 
 
 
 
Börte Oejin
 
 
 
 
 
 
 
 
 
 
 
 
 
 
Berke Khan
 
 
 
 
 
 
 
 
 
 
 
 
 
 
 
 
 
 
 
 
Soeltan Khatoen
 
 
 
 
 
 
 
 
 
 
 
 
 
 
 
 

Verwysings[wysig | wysig bron]

Crystal txt.png Hierdie artikel is vertaal uit die Nederlandse Wikipedia
  1. Devin De Weese. "Islamization and Native Religion in the Golden Horde", Penn State Press, 1 September 1994, ISBN 0-271-01073-8 pg.3

Verdere leesstof[wysig | wysig bron]

  • Morgan, David. The Mongols. ISBN 0-631-17563-6. 
  • Nicolle, David (1998). The Mongol Warlords. Brockhampton Press. 
  • Saunders, J.J. (1971). The History of the Mongol Conquests. Routledge & Kegan Paul. ISBN 0-8122-1766-7. 
  • Sicker, Martin (2000). The Islamic World in Ascendancy: From the Arab Conquests to the Siege of Vienna. Praeger Publishers.