Berseba

in Wikipedia, die vrye ensiklopedie
Spring na: navigasie, soek
Berseba
Die tweede Rynse kerk op Berseba, afgeneem einde 19de of begin 20ste eeu.
Die tweede Rynse kerk op Berseba, afgeneem einde 19de of begin 20ste eeu.
Ligging van Berseba op 'n kaart (Namibië)
Berseba
Berseba
Koördinate: 25°59′46″S 17°46′02″O / 25.99611°S 17.76722°O / -25.99611; 17.76722Koördinate: 25°59′46″S 17°46′02″O / 25.99611°S 17.76722°O / -25.99611; 17.76722
Land Vlag van Namibië Namibië
Streek ǀǀKaras
Kiesafdeling Berseba
Hoogte 1 590 m (5 217 vt)
Die Rynse sendingstasie Berseba, gestig in 1850. Hierdie skets is waarskynlik in die 1870's gemaak.
In 1989, die jaar voor Namibië se onafhanklikwording, het Suidwes-Afrika vier seëls ter nagedagtenis aan Rynse sendelinge uitgereik, onder wie Johann Krönlein, wat 25 jaar op Berseba gearbei het.

Berseba is ’n nedersetting in die streek ǀǀKaras in die suide van Namibië. In vroeër jare was dit ook die hoofkwartier van die inboorlingkommissaris van Suidwes-Afrika, ’n sendingstasie en kommunale sentrum vir die inheemse bevolking van die Berseba-reservaat, wat deel was van die landdrosdistrik Keetmanshoop.

Eerw. Samuel Hahn van die Rynse Sendinggenootskap het die sendingstasie Berseba gestig op 17 Oktober 1850, agt jaar nadat die eerste Rynse sendelinge die land binnegekom het, aan die voet van die uitgestorwe vulkaan Brukkaros, sowat 100 km noordwes van Keetmanshoop. Eerw. J.G. Krönlein het Hahn in 1851 opgevolg en nagenoeg ’n kwarteeu hier gearbei. Laasgenoemde het Berseba sy naam gegee na aanleiding van Genesis 21:31: "Die plek word Berseba genoem, want daar het hulle twee 'n eed teenoor mekaar afgelê."[1]

Die Berseba-inboorlinggebied was in 1885 die onderwerp van ’n verdrag tussen die Berseba-Namas en die Duitse koloniale regering. In 1923 is die grense van die Berseba-reservaat uitgevaardig, wat in 1970 was dit sowat 5 900 km².

Die eerste diamant in die huidige Namibië is in 1898 in die omgewing van Berseba ontdek en in 1900 en 1929 is hier na olie gesoek, maar nóg diamante nóg olie het tot noemenswaardige nywerheidsontwikkeling gelei. Die nedersetting gaan gebuk onder armoede, middelmisbruik en misdaad. Die plaaslike sekondêre skool, die privaat Ecumenical Community School, is in 2010 ongeskik om te dien as opvoedkundige instelling verklaar en is gevolglik gesluit.

In die plaaslikeregeringsverkiesing van 2015 het Swapo met 266 stemme drie setels in die plaaslike raad verower, die DTA met 200 stemme twee setels en die RDP met 45 stemme geen.

Bronne[wysig | wysig bron]

Verwysings[wysig | wysig bron]

  1. (af) Bybel.co.za. URL besoek op 15 April 2016.

Eksterne skakels[wysig | wysig bron]