Bespreking:Kaap die Goeie Hoop

in Wikipedia, die vrye ensiklopedie
Jump to navigation Jump to search

Die stelling "Die koue Benguelastroom ontmoet die warm Agulhasstroom, wat suidwaarts vanaf Indië loop, naby die Kaap die Goeie Hoop en loop noordwaarts teen die Weskus op" is totaal foutief en misleidend.

1. Die Agulhasstroom "loop nie vanaf Indië" nie. Die stroom is eers volledig gevorm en kry die naam Agulhasstroom êrens tussen Maputo, Mozambiek en St Lucia (kwaZulu-Natal).

2. Hiervandaan volg die stroom die rand van die vastelandsplat (en dus die kus) tot by Port Elizabeth. Stroomaf van Port Elizabeth word die vastelandsplat al breër (die Agulhasbank). Die Agulhasstroom volg nog steeds die rand van die vastelandsplat met die gevolg dat hy uiteindelik etlike honderde seemyl van die kus af lê. Hier draai die stroom om en vloei ooswaarts as die Agulhasterugstroom. Daar is geen "ontmoeting" van die strome nie en beslis nie by Kaap die Goeie Hoop nie.

3. Die Agulhasstroom is 'n nou (100 km) en intense stroom wat strek tot aan die seebodem (4 000 m). Die Benguelastroom is 'n paar honderd meter diep, 'n paar honderd kilometer wyd en vloei baie stadig ewenaarwaarts. Dit is dus duidelik 'n totaal ander soort stroom as die Agulhasstroom. Die stelling "loop noordwaarts teen die Weskus op" laat dit klink of ons hier te doene het met 'n smal kusstroom.

Verwysing:

Lutjeharms, J. R. E. (2006) The Agulhas Current. Springer-Verlag, Heidelberg, 329 pp.—Hierdie ongetekende kommentaar is deur 41.145.79.3 gelewer (BesprekingBydraes) .

@Gebruiker:41.145.79.3 gaan jy dit regmaak of moet ek? K175 (bespreking | bydraes) 14:55, 16 Maart 2018 (UTC)