Gebruikerbespreking:Pynappel

Dit lewe

Of doen dit? Hoe gaan dit? Wat is jy so stil. Dumbassman (kontak) 16:59, 21 Augustus 2023 (UTC)

Hallo Dumbassman, ek kap maar aan! Baie besig by die werk, maar het weer onlangs begin inloer hier. Rol maar spam terug en wysig so hier en daar iets. Hoe gaan dit daar? Is jy nog aktief hier? – K175 (skil 'n appeltjie) 17:10, 21 Augustus 2023 (UTC)

Gaan baie, baie goed. Was baie besig op die plaas, nou weer rustig. Nog altyd trots om 'n Namibiër te wees. Dumbassman (kontak) 17:21, 22 Augustus 2023 (UTC)

Ek sit juis en dink die Afrikaanse Wikipedia kort meer dekking van onderwerpe in verband met Namibië. Ek speel nou bietjie rond met ChatGPT en dink dit kan gebruik word om vinnig inhoud hier by te voeg. Maar 'n mens wil ook nie te vinnig werk nie, want alles moet geproeflees word en in wiki-sintaksis geplaas word. Dit lol ook met verwysings oordra. Dalk kan ek of Gebruiker:Rooiratel 'n program skryf wat die hele proses behartig. – K175 (skil 'n appeltjie) 17:35, 22 Augustus 2023 (UTC)

Yes! Jou bot wat baie sponse en akteurs geskep het, kan sy nie weer loop nie? Ons stagneer op die ranglys teenoor ander wiki's  Aliwal2012 17:44, 22 Augustus 2023 (UTC)

Gebruiker:Aliwal2012, ja, dit kan. Ek kan dit selfs weer oor die sponse en akteurs laat loop. Ek dink nie daar was baie sponsartikels oor om te skep nie, maar daar is dalk nog wel baie akteurs waarvoor ons nog nie artikels het nie. Dit sal nie baie moeite wees om weer artikels oor daardie onderwerpe te begin genereer nie. – K175 (skil 'n appeltjie) 17:53, 22 Augustus 2023 (UTC)

Dankie, wat van lughawens en lugrederye, ek is nou besig daarmee, maar dis tydrowend. Jy kan net die intro doen, dan sit ek later vleis by?  Aliwal2012 18:12, 22 Augustus 2023 (UTC)

Ek vra net dat K175 sy bot nagaan, Rooiratel het die naweek 'n klomp sponse oorgedoen wat se taksonomie verkeerd was. Ook, die akteurs het nie bronne nie. Die probleem van ChatGPT is dat dit Wikipedia as verwysing gebruik, het juis met Rooiratel daaroor gepraat (ek het lang artikel daaroor). My laaste opmerking en dit is my mening: indien ons artikel telling opskiet na bv 300,000 met 'n diepte van 10 (tans is dit 41) - wat het ons nou eintlik bereik? Bewys ons kan 'n bot gebruik? Ek vra maar net. Dit is 'n gemeenskap besluit om 'n bot te gebruik, nie 'n enkeling s'n nie. Oesjaar (kontak) 18:26, 22 Augustus 2023 (UTC)

Gebruiker:Oesjaar is dit moontlik dat die taksonomieë by die bron verkeerd was toe die artikels geskep is? Hoe dit ookal sy, ons sit nou met hordes saadjies oor sponse, terwyl ons geen artikel sonder 'n bot sou gehad het nie. Dit is 'n goeie ding. Wat ChatGPT betref: ek stel voor om dit as vertaler te gebruik, en nie as 'n skrywer van oorspronklike artikels nie. Ek het reeds oorspronklike artikels met dit probeer skryf en die probleem is erger as net dat dit Wikipedia as verwysing gebruik. Dit maak ook feite op. Dit is dus buite die kwessie om dit as artikelskrywer te gebruik, maar as vertaler werk dit redelik goed. Wat ons sal bereik met 'n artikeltelling van 300k: 'n voorsprong op inhoudvlak wat vir redakteurs 'n wegspringplek gee om verdere inhoud by te voeg. Die doel van outomaties gegenereerde artikels is nie om voltooide artikels te plaas wat nooit weer gewysig hoef te word nie. Dit is juis die teenoorgestelde en dit gee vir redakteurs inhoud om mee te werk. Kyk hoe baie wysigings het ons nou al met die akteurartikels uitgelok. Hoeveel datumbladsye is sedertdien bygewerk om na die akteurs te skakel? In my opinie is dit alles 'n goeie ding. Maar soos jy sê, dit is 'n gemeenskapsbesluit, en as die gemeenskap daarteen besluit, dan sal ek nie my robot loop nie. Ek dink so 'n besluit sou egter kortsigtig wees. Myns insiens moet ons robotte aan die werk sit en as hulle droogmaak kan ons nog 'n robot aan die werk sit om betrokke artikels en/of wysigings te skrap. Ek dink nie ons verloor enigiets met die robotte nie. Ons maak dalk net 'n paar bydraers gespanne met die oorweldigende aantal wysigings. – K175 (skil 'n appeltjie) 18:40, 22 Augustus 2023 (UTC)

@Oesjaar Ek stem saam met @K175 oor die saadjies. Die doel is nie om voorblad status, of reeds goeie artikels te skep met 'n bot nie. Dit skep net die raamwerk vir mense om later te verbeter, en spaar hulle tyd en moeite. Sien byvoorbeeld al die spesie artikels. Duisende is met 'n bot geskep, en daar is nog baie wysigings daarna op die artikels.

Ek sou voorstel dat as @K175 nog bot artikels wil skep, dan sal films 'n goeie keuse wees. Ons kan dan al die akteur artikels aan die film artikels skakel en vise versa. - Rooiratel (kontak) 19:11, 22 Augustus 2023 (UTC)

Inhoud is hoogte maal lengte maal breedte. Oftewel in wikiterme:

• breedte=meer saadjies
• lengte=hoeveel daaroor gesê word
• hoogte=skakels, verwysings, kategorieë, goeie taal, prentjies wat verduidelik, inligtingskassies, logiese verhale.

Jy kan aan een dimensie werk maar dit gee 'n inhoud van nul as die ander dimensies nul bly.

Jcwf (kontak) 19:43, 22 Augustus 2023 (UTC)

Gesondheidsvoordele van tee‎

Dankie vir jou werk maar ongelukkig is dit 'n skoolwedstryd artikel en ek moes jou veranderinge terugrol tot na beoordeling. Groete! Oesjaar (kontak) 08:53, 17 Oktober 2023 (UTC)

Jou nuwe sjablone

@K175:, verduideik asb net kortliks jou nuwe sjablone sodat 'n ou man soos ek ook dit moontlik kan verstaan! Groete! Oesjaar (kontak) 12:52, 6 November 2023 (UTC)

@Oesjaar: dit is alles sjablone wat in die nuwe sjabloon {{Grafieke afgeskakel}} gebruik word. {{Grafieke afgeskakel}} is op sy beurt uit die Engelse Wikipedia gekopieer en vertaal en word op besprekingsbladsye vertoon in plaas van die grafieke wat sedert April 2023 gebreek is. Jy kan al die nuwe sjablone as "subsjablone" beskou wat {{Grafieke afgeskakel}} gebruik om korrek te vertoon, maar hulle word as aparte sjablone gestoor sodat ander sjablone ook hierdie "subsjablone" kan gebruik. Hoop dit maak sin. – K175 (skil 'n appeltjie) 14:14, 6 November 2023 (UTC)

Kategorie:Normdata met 0 element

Hello, Why did you remove Kategorie:Normdata met 0 element ? It is not empty. Vargenau (kontak) 14:10, 21 November 2023 (UTC)

@Vargenau: daardie kategorie het 'n tikfout in die titel. Ek het nou Module:Normdata bygewerk sodat dit nie meer bladsye in daardie kategorie sal plaas nie. Die kategorieë wat huidig in daardie kategorie is, sal stelselmatig na die kategorie met die korrekte titel, d.i. Kategorie:Normdata met 0 elemente, oorgedra word. – K175 (skil 'n appeltjie) 14:13, 21 November 2023 (UTC)

@Vargenau: jy kan 'n bladsy wat in die ou kategorie is, forseer om na die nuwe kategorie oorgedra te word deur dit te wysig en onmiddellik te stoor (jy hoef nie enige veranderinge aan die bronteks aan te bring nie). – K175 (skil 'n appeltjie) 14:15, 21 November 2023 (UTC)

Thank you.

I have updated the interwiki link of the category. Vargenau (kontak) 14:22, 21 November 2023 (UTC)

Sjabloon:Ruimtevlug

Hi Adriaan.

Dankie vir jou moeite hiermee! Dit word waardeer.-- Aliwal2012 06:49, 22 November 2023 (UTC)

cite-sjablone

Hallo K175,

Ná jou wysiging lewer die "cite book" en "cite journal" nou waarskuwings oor "maintenance" wat gedoen moet word. En die "doi" skakel in die verwysings is nou rooi. Ek weet nie of dit 'n probleem is of nie. Jcwf (kontak) 12:11, 23 November 2023 (UTC)

@Jcwf: dankie, ek dink ek het dit nou reggemaak. Laat weet asb. as daar nog probleme is. – K175 (skil 'n appeltjie) 13:01, 23 November 2023 (UTC)

Ongelukkig kry ek steeds die waarskuwings. Jcwf (kontak) 20:02, 23 November 2023 (UTC)

@Jcwf: kan jy asb. 'n voorbeeld deel? – K175 (skil 'n appeltjie) 20:03, 23 November 2023 (UTC)

Ek dink die probleem is met authors/coauthors. Hierdie parameters werk nie meer nie. Ons moet nou enkelvoud gebruik, bv. author of naam en van, of as daar meer as een outeur is, dan author1, author2, etc. of naam1, van1, naam2, van2, etc. Ek stel voor ons loop 'n bot om alle bestaande gebruike van authors en coauthors so aan te pas. – K175 (skil 'n appeltjie) 20:23, 23 November 2023 (UTC)

Is dit bedoel om ons werk nog meer te bemoeilik? Ek weier om dit te doenJcwf (kontak) 20:29, 23 November 2023 (UTC)

Verwysings

Jy het vir my 'n voorbeeld gevra. OK.

As ek die Wikimedia Library gebruik en Science Direct die soekwoord "hydroxylapatite" ('n mineraal) invoer, kry ek 16 298 resultate. As ek die eerste resultaat se "Export"-knoppie kliek kry ek die keuse om die verwysing te exporteer in vier formate:

Export:

• Save to RefWorks
• Export citation to RIS
• Export citation to BibTeX
• Export citation to text

Refworks, RIS en BibTex is formate wat in verwysingsagteware gebruik word. Ek het hierdie sagteware nie en ek weet nie of hier op wiki 'n sjabloon/module gemaak kan word wat dit kan lees. Dit sou die probleem reeds grotendeels oplos omrede hierdie formate ook deur ander uitgewers gebruik word.

Maar ek het tot nou altyd die bloot teks opsie gebruik. Wat ek kry is dit:

Zongqiang Zhu, Yuqing Wu, Chengzhi Hu, Lihao Zhang, Hui Ding, Yinian Zhu, Yinming Fan, Huan Deng, Xiaobin Zhou, Shen Tang, Elimination of zinc ions from aqueous solution by a hydroxylapatite-biochar composite material with the hierarchical porous microstructures of sugarcane waste, Journal of Cleaner Production, Volume 362, 2022, 132483, ISSN 0959-6526, https://doi.org/10.1016/j.jclepro.2022.132483. (https://www.sciencedirect.com/science/article/pii/S0959652622020844) Abstract: A hydroxylapatite-biochar composite material with the hierarchical porous microstructures of sugarcane top internodes (HAP/C-SC) was produced by carbonizing sugarcane top stalks, an agricultural waste residue, and then soaking them in limewater and (NH4)2HPO4 solution in turns. The HAP/C-SC with the surface area of 8.52–28.44 m2/g inherited various macropores from parallel vessels, thick-walled cells of sclerenchyma, thin-walled cells of storage parenchyma, and pits in cell and vessel walls of sugarcane top stalks. When the initial Zn2+ concentration is 5–400 mg/L, the Zn2+ absorption capacity of HAP/C-SC is 19.91, 22.54, and 25.37 mg/g at 25 °C, 35 °C, and 45 °C, respectively, which is equivalent to the Zn2+ absorption capacity of synthetic nano-hydroxyapatite. The HAP/C-SC showed a good removal performance for Zn cations, and the adsorption followed Langmuir model and pseudo-second-order kinetic model well. The Zn-containing hydroxylapatite solid solutions [(ZnxCa1‒x)5(PO4)3(OH)] were considered to be the key mechanism for Zn2+ elimination, which formed through the co-action processes including adsorption, ion exchange (x = 0.06–0.12) and dissolution-precipitation (x = ∼0.27). The M(2) vacancy sites are believed to be energetically more favorable for the Zn ion occupation. The substitution and occupation of M(2) sites by Zn ions may be affected by spatial constraints. Keywords: Sugarcane top; Hierarchical porous microstructure; Hydroxylapatite; Elimination; Zinc ion

Dit het 10 outeurs. Op die eerste reël deur kommas geskei. Ek verander dit tot <ref>{{cite journal|authors=Zongqiang Zhu, Yuqing Wu, Chengzhi Hu, Lihao Zhang, Hui Ding, Yinian Zhu, Yinming Fan, Huan Deng, Xiaobin Zhou, Shen Tang,

Maar nou wil jou groot vriend dat ek dit gaan skryf:

<ref>{{cite journal|author1=Zongqiang Zhu|author2=Yuqing Wu|author3=Chengzhi Hu|author4=Lihao Zhang|author5=Hui Ding|author6=Yinian Zhu|author7=Yinming Fan|author8= Huan Deng|author9=Xiaobin Zhou|author10=Shen Tang

Dit gaan dit tweemaal so tydrowend maak as wat dit reeds is. Die res is ook bewerkelik. Die tweede reël (ná CRLF) word: |title=Elimination of zinc ions from aqueous solution by a hydroxylapatite-biochar composite material with the hierarchical porous microstructures of sugarcane waste ---> sonder komma, want cite journal gaan blêr daaroor. Die volgende reëls gaan dieselfde, behalwe dat Volume met 'n kleinletter moet: |journal=Journal of Cleaner Production |volume= 362 |year=2022 |pages=132483

Ek skrap die ISSN-reël en die doi-reël moet verander word in: |doi=10.1016/j.jclepro.2022.132483 --> sonder punt aan die ent

Ander uitgewers doen dit effens anders, maar as daar 'n paar modules soos {{Elsevier|}}, {{Wiley|}}, {{De Gruyter|}} geskryf kan word wat die teksformaat omskakel sal dit baie werk spaar en dit makliker maak om verwysings oor te neem.

Jy kan nie van gebruikers verwag dat hulle verwysings gaan byvoeg as dit net moeisamer gemaak word nie. Jcwf (kontak) 22:49, 27 November 2023 (UTC)

Sjabloon:Ruimtevlug

@K175:, ek soek 'n bietjie hulp asb. Kan jy 'n leë ruimtevlug sjabloon in Wenera 7 plaas asb? Ek sal die data verskaf. Groete! Oesjaar (kontak) 19:49, 11 Desember 2023 (UTC)

@Oesjaar: Uitgevoer. Jy kan net die sjabloon uit die Engelse artikel kopieer en die inhoud vertaal. Ek het dit nou gedoen vir Wenera 7. Die sjabloon voeg 'n kategorie by wat ek nie weet hoe om te vertaal nie. Wat is en:quadrangle in Afrikaans? Ek sien in Nederlands en Duits gebruik hulle die Engelse woord. – K175 (skil 'n appeltjie) 18:33, 12 Desember 2023 (UTC)

@K175:, dankie. 'n Quadrangle is vierhoek, binneplaas, binneplein of binnehof. Groete! Oesjaar (kontak) 19:42, 12 Desember 2023 (UTC)

@K175:, ek het so 'n bietjie gaan oplees op die Engelse Wiki. Hulle (die Russe) dink ek, het die oppervlakte van Venus in 8 vierkante (soos ons dit ken- eintlik reghoeke) op gedeel en elk 'n naam gegee. Wenera 7 het in reghoek genaamd Lavinia Planitia geland. Miskien stel @Burgert Behr: ook hierin belang, Venus is sy voorblad artikel. Groete! Oesjaar (kontak) 20:03, 12 Desember 2023 (UTC)

Het hulp nodig met taksoboks dinge

Elke nou en dan is daar twee genera met dieselfde naam (maar in 'n ander familie). Gewoonlik is een 'n plant en die ander 'n mot, maar nie altyd nie.

Op enwiki het hulle hierdie sjabloon geskep vir hierdie situasie: https://en.wikipedia.org/wiki/Template:Taxobox_disambiguation

Ek het dit vertaal : https://af.wikipedia.org/wiki/Sjabloon:Taxobox_ondubbelsinnigheid

Dit lyk goed as mens byvoorbeeld hier kyk : https://af.wikipedia.org/wiki/Sjabloon:Taksonomie/Acharia

Maar dit verskyn nie reg as dit in 'n taksoboks gebruik word nie. Sien hier vir 'n voorbeeld op enwiki oor hoe dit moet lyk : https://en.wikipedia.org/wiki/User:Rooiratel/Sandbox

Hoe kan ek dit kry om soortgelyk te verskyn op afwiki as dit in a taksoboks gebruik word? - Rooiratel (kontak) 14:07, 19 Desember 2023 (UTC)

@Rooiratel: kan jy asb. vir my 'n voorbeeld gee van hoe dit tans (verkeerd) lyk wanneer dit binne 'n taksoboks gebruik word? – Pynappel (kontak) 15:29, 19 Desember 2023 (UTC)

Dankie dat jy daarna kyk. Ek waardeur dit! Sien hier vir 'n voorbeeld van hoe dit nie reg verskyn op afwiki : https://af.wikipedia.org/wiki/Gebruiker:Rooiratel/Sandbox - Rooiratel (kontak) 16:12, 19 Desember 2023 (UTC)

@Rooiratel: wanneer jy Gebruiker:Rooiratel/Sandbox wysig dan kan jy sien watter sjablone ontbreek (hulle vertoon onderaan die bladsy in rooi). Ek het al die ontbrekendes nou van enwiki oorgekopieër (maar hulle nie vertaal nie). Kyk gou of dit nou werk? – Pynappel (kontak) 18:13, 19 Desember 2023 (UTC)

Vreeslik dankie @Pynappel, dit verskyn nou soos op enwiki. Waar het jy die veranderings gemaak? Ek sal dit verder vertaal. - Rooiratel (kontak) 12:10, 20 Desember 2023 (UTC)

@Rooiratel: ek het die volgende ontbrekende sjablone geskep deur die ooreenstemmende bronkode uit enwiki te knip-en-plak:

• Sjabloon:Taxobox ondubbelsinnigheid extinct
• Sjabloon:Taxobox ondubbelsinnigheid parent
• Sjabloon:Taxobox ondubbelsinnigheid rank
• Sjabloon:Taxobox ondubbelsinnigheid link target
• Sjabloon:Taxobox ondubbelsinnigheid link text

Laat ek vir jou volgende keer op Discord my screen share en vir jou wys watter proses ek volg om Engelse sjablone met 'n hoë "call stack" van enwiki oor te dra. Maar die proses behels basies:

1. Dra die sjabloon wat jy wil gebruik oor. 2. Gebruik die sjabloon in die plek waar jy dit wil gebruik of in 'n sandput. 3. Gebruik die "Wys voorskou"-funksionaliteit of stoor die bladsy en wysig die bronteks. Onderaan die bronteks verskyn 'n lys van ontbrekende sjablone in rooi skakels wat jy nog moet oordra vir die "eindsjabloon" in 1. om te werk.

Ek vergelyk dit met 'n call stack, waar elke sjabloon 'n funksie is, en die sjabloon wat jy gebruik kan ander sjablone (funksies) call, en jy moet eers all die ontbrekende sjablone (funksies) oor dra sodat jy die eindsjabloon (-funksie) kan call. – Pynappel (kontak) 21:26, 27 Desember 2023 (UTC)

Dankie, ek sal graag dit wil sien. Ek doen gewoonlik iets soortgelyks, maak ek het nie die laaste deel van stap 3 gedoen nie. - Rooiratel (kontak) 15:45, 7 Januarie 2024 (UTC)

Tussen hakies, ek het daai bot op Discord afgeskakel want dit het die kanaal begin spam toe ek Gebruiker:KabouterBot geloop het. Dit het gelyk of dit boodskappe in die verkeerde volgorder plaas en dit het nooit opgehou nie. Daar mag dalk 'n bug in die bot se bronkode wees. Laat ek dit nou weer aanskakel dan hou ons dit maar dop. – Pynappel (kontak) 21:28, 27 Desember 2023 (UTC)

Amphibolia

@Pynappel:, kan jy asb bogenoemde genus se taksonomie skep? Groete! Oesjaar (kontak) 09:03, 28 Desember 2023 (UTC)

Afrikaanse Wikipedia t-hemde

Hallo @Pynappel

@Oesjaar wil graag vir die aktiewe gebruikers van die Afrikaanse Wikipedia t-hemde laat druk. Hy het my gevra om almal se hempmates te kry. Die onderstaande tabel is deur die drukkersmaatskappy voorsien. As jy net asb sal laat weet watter grootte reg sal wees.

	S	M	L	XL	2XL	3XL	4XL	5XL
½ Chest	50.8	53.3	55.8	58.4	63.5	66	68.5	71.1

Groete @Woordgenoot Woordgenoot (kontak) 10:31, 26 Februarie 2024 (UTC)

Infobox Golfer

Hi K175, hierdie sjabloon bestaan reeds jare lank in Afrikaans. Sien asb Sjabloon:Inligtingskas gholfspeler.

Kom ons hou die wiki Afrikaans waar dit moontlik is!

Groete -- Aliwal2012 13:50, 7 April 2024 (UTC)

@Aliwal2012: ek is bewus van die bestaande een, maar dit bevat nie al die velde wat ek in Paula Reto wou gebruik nie. My plan is om al die gebruike van die ou sjabloon met die nuwe een te vervang en dan die nuwe sjabloon na die ou sjabloon se naam te skuif. – Pynappel (kontak) 13:52, 7 April 2024 (UTC)

Hoekom voeg jy nie net nuwe parameters by die bestaande een nie...vir iemand soos jy is dit mos soetkoek! Ek hou nie vd Engelse sjabloon nie, boonop is dit 'n onnodige duplikasie. Eina!  Aliwal2012 14:23, 7 April 2024 (UTC)

Dit is meer werk om telkens parameters by te voeg en gepaardgaande bronkode-wysigings aan te bring as om net die Engelse bronkode te kopieer en die vertaling van die parameters oor te dra. – Pynappel (kontak) 14:25, 7 April 2024 (UTC)

Jy is al telkemale in die verlede gewaarsku [SpesBona o.a.] om nie met sjablone te peuter wat korrek werk nie. Dis nie in h/d wiki se belang om nog 'n (Engelse) een te skep nie, dit verwar nuwe gebruikers.  Aliwal2012 14:38, 7 April 2024 (UTC)

Watter deel van die sjabloon is Engels? Die ou sjabloon werk nie korrek nie: dit bevat nie opskrifte nie, dit vertoon nie die persoon se naam bo-aan nie, die etikette is verkeerd vertaal, dit vertoon nie die hoogste rang nie, ens. Nie seker wat jou probleem is nie. – Pynappel (kontak) 14:45, 7 April 2024 (UTC)

Helena Hettema‎

@Pynappel: daar is baie inligting tot die artikel toegevoeg sonder enige bronne. Hoe gaan ons dit hanteer? Groete! Oesjaar (kontak) 16:12, 19 Mei 2024 (UTC)

@Oesjaar: ek dink in die algemeen is geen bronne net 'n probleem dat die inligting nie geverifieer kan word nie. Enige ander bydraer kan dan as hulle lushet self die bronne opspoor en die inligting bevestig en dit wat vals is, verwyder. In die Engelse weergawe voeg hulle oral {{citation needed}} na stellings wat betwis word in. Dit is myns insiens 'n seer oog en 'n mens moet omstrede feite wat nie deur verwysings of bronne ondersteun word nie eerder verwyder. Maar banale feite soos 'n lys van publikasies en ander oninteressanthede kan laat staan word totdat iemand dit betwis en verwyder of met 'n bron staaf. – Pynappel (kontak) 00:05, 24 Mei 2024 (UTC)

Engelse sjabloon

@Pynappel: kan jy Jet engine.svg na Afrikaans vertaal? Hier is die byskrifte: 1 = Inlaat, 2 = Laedruk, 3 = Hoëdruk, 4= Verbranding, 5 = Uitlaat, 6 = Warm gedeelte, 7 = Turbines, 8 = Verbrandingkamer, 9 = Koue gedeelte, 10 = Luginlaat As jy my kan touwys maak hoe om dit te doen, sal ek julle baie tyd spaar.! Groete! Oesjaar (kontak) 17:44, 19 Mei 2024 (UTC)

@Oesjaar: ek sien ek het dit reeds in 2019 gedoen: Lêer:Turboprop operation-af.svg. – Pynappel (kontak) 23:39, 30 Maart 2025 (UTC)

@Oesjaar: sal probeer onthou om daarby uit te kom. Ek gebruik Inkscape om SVG-lêers te wysig. – Pynappel (kontak) 23:40, 30 Maart 2025 (UTC)

@Pynappel:, iemand het dit reeds vir my gedoen, sien Jet_engine_Afr1.1.svg. Groete. Oesjaar (kontak) 05:07, 31 Maart 2025 (UTC)

Sjabloon:Koördinate

Dit lyk of die sjabloon nie meer reg werk nadat jy daaraan gaan krap het nie. ~ Burgert (kontak) 16:41, 14 Junie 2024 (UTC)

@BurgertB: hi Burgert, kan jy asb. 'n skakel deel waar dit nie reg vertoon nie? – Pynappel (kontak) 21:18, 14 Junie 2024 (UTC)

Sint Petersburg, Hermitage en ek weet nie hoeveel ander nie. Die koördinate staan nie langs die titel nie, maar onderaan. ~ Burgert (kontak) 07:59, 15 Junie 2024 (UTC)

@BurgertB: ek het dit nou reggemaak. Laat weet as jy nog enige probleme raakloop. – Pynappel (kontak) 17:53, 15 Junie 2024 (UTC)

Dankie. Wil jy nie nou maar die sjablone en modules uitlos nie, asb.? ~ Burgert (kontak) 18:28, 15 Junie 2024 (UTC)

Dit is moeilik, want elke keer as 'n mens 'n sjabloon uit enwiki oordra hiernatoe, moet jy die sjablone waarop dit staatmaak ook bywerk, en dan kan dit ander sjablone wat op dieselfde sjablone staatmaak, breek. Ek kyk gewoonlik na geskakelde bladsye of alles nog reg vertoon, maar dis maklik om iets mis te loop. – Pynappel (kontak) 18:35, 15 Junie 2024 (UTC)

@Pynappel:, die lugkoördinate werk ook nie meer reg nie. Kan jy daarna kyk? Die sjabloon is {{lug3}}. ~ Burgert (kontak) 20:27, 20 Julie 2024 (UTC)

@BurgertB: ek het die bronteks van die sjabloon nou bygewerk sodat dit dieselfde as die Engelse weergawe is en dit lyk of dit nou goed vertoon. Laat weet asb. indien jy enige verdere probleme raaksien. – Pynappel (kontak) 08:05, 21 Julie 2024 (UTC)

Busisiwe Mkhwebane

Hi, sy het hierdie week uit die EFF bedank. Dit was oral in die nuus! -- Aliwal2012 08:56, 17 Oktober 2024 (UTC)

Sponse en spesiebokse

@Pynappel:, jy het die sponse aanvanklik geskep met taksobokse. Enige kans dat jy die taksobokse met spesiebokse kan vervang? Dit het baie meer voordele. Ek verneem jy is nou 'n Gautenger? Groete! Oesjaar (kontak) 17:10, 27 Maart 2025 (UTC)

@Oesjaar: nee, ek het reeds gevlug. Kon net 'n jaar uithou. Hulle het my aanhoudend met krag- en wateronderbrekings geteister. Kort-kort loop iemand met 'n transformator weg of die ding ontplof of die oorhoofse kabels breek. Altyd een of ander verskoning. En dan sit jy vir dae sonder water. Dit is omtrent erger. Ja, ek kan die taak verrig, met die robot. Ek sal in die geselshoekie dit onder die gemeenskap se aandag bring. – Pynappel (kontak) 15:56, 28 Maart 2025 (UTC)

@Pynappel:, dankie vir jou bereidwilligheid! Groete! Oesjaar (kontak) 20:08, 30 Maart 2025 (UTC)

@Oesjaar: geen probleem. Daar ontbreek baie taksonomiesjablone wat benodig word om die spesieboks te vertoon. Ek berei nog 'n taak voor om die ontbrekende sjablone te skep. – Pynappel (kontak) 20:10, 30 Maart 2025 (UTC)

Waar is my robot?

Hallo Dumbassman (kontak) 22:28, 3 Augustus 2024 (UTC)

@Dumbassman: ek het nie tans enige idees vir take wat per robot verrig kan word nie. Wat het jy in gedagte? – Pynappel (kontak) 18:46, 5 Augustus 2024 (UTC)

Waarvoor het mens ooit 'n robot nodig? Nuwelinge se gemors skoon te maak natuurlik Dumbassman (kontak) 04:58, 7 Augustus 2024 (UTC)

Hah, 10/10. 😜 Bot links: Program Geskiedenis Reels BAG

Sponsfamilies en subfamilies.

@Pynappel:, hier is nog 'n klomp sponsfamiles met taksobokse. Kan jy dit regmaak asb? Sien https://af.wikipedia.org/w/index.php?title=Spesiaal:Skakels_hierheen/Sjabloon:Taksoboks&limit=500&offset=0%7C302159&dir=prev Groete! Oesjaar (kontak) 11:49, 10 Junie 2025 (UTC)

Sover ek verstaan kan {{Spesieboks}} slegs vir spesies gebruik word. Of verwys jy na iets anders? – 🍍 Pynappel (kontak) 19:12, 10 Junie 2025 (UTC)

Jy is reg oor die Spesieboks, ons gebruik die Outomatiese taksoboks vir genera en hoër. Groete! Oesjaar (kontak) 10:08, 11 Junie 2025 (UTC)

Creation of categories

Hello, Thank you for supporting my creation of categories. Can you please give your opinion here: Gebruikerbespreking:Vargenau Thank you Vargenau (kontak) 10:20, 9 Julie 2025 (UTC)

Ons FB-blad

@Pynappel:, gaan loer na ons blad: https://www.facebook.com/groups/231160206984566 waar julle bedank is. Groete! Oesjaar (kontak) 07:45, 24 Julie 2025 (UTC)

Die Duitse artikels...

Terwyl ek met jou gesels, dink jy die IP adres-gebruiker wat so baie Duitse artikels skep sonder bronne gebruik ChatGPT daarvoor? Groete! Oesjaar (kontak) 07:48, 24 Julie 2025 (UTC)

@Oesjaar dit lyk soos vertalings van die inleidende paragrawe van die Engelse weergawes. Dit is onmoontlik om te sê of die gebruiker Chat GPT gebruik, maar dit bly natuurlik 'n moontlikheid. Ek dink nie 'n mens hoef vlot Afrikaans te kan praat om die artikels te skep nie, want die patroon is net "X is Y" met interne skakels waarvan die vertalings maklik via die interwikiskakels verkry kan word. M.a.w. ek weet nie. – 🍍 Pynappel (kontak) 07:53, 24 Julie 2025 (UTC)

Vloedgolf veranderinge

@Pynappel: Sien die vloedgolf veranderinge, almal van verskillende gebruikersname. Is daar 'n manier om dit te stop? Sobaka (kontak) 10:30, 24 Julie 2025 (UTC)

@Sobaka dit is moontlik dieselfde persoon of 'n groep wat saamwerk. Het ons 'n "CheckUser" wat kan ondersoek instel? – 🍍 Pynappel (kontak) 13:12, 24 Julie 2025 (UTC)

Dankie is 'n edit-a-thon by UNW. Het hulle gevra om ons net in die toekoms te waarsku. Sobaka (kontak) 14:14, 24 Julie 2025 (UTC)

David Woodard

Jy het my bedank omdat ek ’n artikel oor David Woodard geskep het. Daarna is dit deur Oesjaar verwyder. Ek kan dit net betreur dat die artikel gedelg is. Alhoewel David Woodard ’n twyfelagtige persoon mag wees, maar dit gaan oor ’n baie belangrike beginselsaak wat groter is as die persoon David Woodard. Die enigste doelwit van die "Global Stewards" is om kleiner tale wat nie deur ’n staat beheer word nie, uit te wis. Soos ’n maffia beweer hulle dat hulle minder tale "beskerm", terwyl die werklikheid is dat hulle net die gebruik en ontwikkeling van hierdie tale teenwerk. Minderheidstale is die beste ‘entstof’ wat die mensdom teen totalitarisme het. As hierdie mense daarin slaag om hul doelwitte te bereik, sal alle minderheidstale dieselfde lot ondergaan as ǀXam.

Vryheidsfront Minus (kontak) 18:25, 17 Augustus 2025 (UTC)

@Vryheidsfront Minus ek stem saam met jou. @Oesjaar kan jy asb. hierna kyk. Dit lyk my ons artikel handel oor die persoon en sy selfpromosie, wat noemenswaardig is en deur bronne gestaaf word. Ons artikel is deur 'n onpartydige bydraer geskep (Vryheidsfront Minus) en nie deur die selfpromotor self nie. Dit is myns insien nie 'n kandidaat vir spoedige verwydering nie. Indien daar nader besware is dan kan ons dit vir Wikipedia:Bladsyverwydering nomineer. – 🍍 Pynappel (kontak) 16:01, 18 Augustus 2025 (UTC)

Kan jy weer ’n meer beknopte weergawe publiseer, sonder enige onnodige anekdote? Orland se versoeke om die bladsy te verwyder met groot rooi waarskuwingstekens oor ‘spam’, wat Oesjaar kennelik as die waarheid beskou het, is reeds op ander Wikipedias van die hand gewys. Die waarheid is dat die enigste een wat spam, Orland self is. Ek het dit opgestel met die infokassie en al die nodige verwysings.

Vryheidsfront Minus (kontak) 00:01, 20 Augustus 2025 (UTC)

@Vryheidsfront Minus Uitgevoer. Dit is dalk 'n goeie idee om die bladsy dop te hou indien dit vir verwydering genomineer word. – 🍍 Pynappel (kontak) 00:06, 20 Augustus 2025 (UTC)

Bespreking:Cornel Judels

Yes my maat, mens kan tog die argument maak dat inligting oor die persoon sal die artikel verbeter? Maar ek verstaan hoekom jy dit verwyder het. Hoe gaan dit met jou? Dumbassman (kontak) 16:35, 21 Augustus 2025 (UTC)

@Dumbassman jammer, soms raak ek "trigger happy" met die IP-adresse. Maar ek het nou gekyk en ek dink tog daardie kommentaar hoort eerder op Facebook of Reddit:

Ek is op soek na meer inligting oor Cornel se dood. Ek was vriende met haar in 2007 en wil net graag weet hoe sy oorlede is en of ek moontlik haar ouers kan opspoor? [kontakbesonderhede verwyder]

Maar as iemand nie saamstem nie, dan kan hulle my gerus terugrol en ek sal dit dan daar laat. Verder het ek nie juis klagtes nie, dankie! Ek wonder wanneer ons weer 'n skryfkompetisie gaan hou en wie dit gaan reël? Ek sal ongelukkig weer self seker nie tyd hê om deel te neem nie. – 🍍 Pynappel (kontak) 16:49, 21 Augustus 2025 (UTC)

Goed om van jou te hoor! Ja, ek dink jy is reg. Ek reken net ek stem nie heeltemal saam met die idee dat die besprekingsblad nie 'n forum is nie. Reken daar is plek om oor die artikel te praat solank dit die artikel kan verbeter. Mooi loop my maat. Dumbassman (kontak) 18:35, 21 Augustus 2025 (UTC)

Banier

Yes my maat. Hoop dit gaan goed? Kan jy my help asb met 'n banier opsit vir die Afrikaanse Skryfwedstryd? Dankie Dumbassman (kontak) 09:26, 13 April 2026 (UTC)

@Dumbassman ek glo dis MediaWiki:Sitenotice wat gewysig moet word. – 🍍 Pynappel (kontak) 14:07, 30 April 2026 (UTC)

Kan jy asb help daarmee. Ek weet nie wat om te doen nie. Hier is die skakel Wikipedia:Skryfwedstryd 2026. Dankie Dumbassman (kontak) 16:00, 30 April 2026 (UTC)

Lyk my ek het reggekom. Hoe lyk dit? Dumbassman (kontak) 16:09, 30 April 2026 (UTC)

Ek kan dit sien. Lyk goed vir my! – 🍍 Pynappel (kontak) 16:11, 30 April 2026 (UTC)

@Dumbassman, verander net 30 na 31 Mei asb. Groete!  Aliwal2012 06:38, 1 Mei 2026 (UTC)

@Dumbassman ook die skakel moet Wikipedia:Skryfwedstryd_2026 wees en nie Skryfwedstryd_2026 nie. – 🍍 Pynappel (kontak) 06:49, 1 Mei 2026 (UTC)

Baie dankie aan altwee van julle. Dumbassman (kontak) 08:53, 1 Mei 2026 (UTC)

You may be an eligible candidate for the U4C election

Greetings,

The Universal Code of Conduct Coordinating Committee (U4C) seeks candidates for the 2026 election. The U4C is the global committee responsible for overseeing enforcement of the Universal Code of Conduct. Elections are held annually, if elected a committee member serves for two years.

This year the U4C requires candidates to hold administrator rights on at least one wiki, which is why you are being contacted as you appear to hold this right. There are other requirements, such as candidates must be at least 18 years old and may not be employed by the Wikimedia Foundation or other related chapters and affiliates. You can find more information in the call for candidates on Meta-wiki. Additionally, the committee's working language is English; some ability to communicate in English is required.

The election opens on 18 May, if you are eligible and interested you have until 10 May to submit your candidacy. There will week between for candidates to answer questions from the community. Voting takes place privately in SecurePoll, successful candidates must receive at least 60% support. More information is available on the 2026 Elections page, including timelines and other candidacy information. If you read over the material and consider yourself qualified, please consider submitting your name to run for the committee. If you think someone else in your community might be interested and qualified, please encourage them to run.

In partnership with the U4C -- Keegan (WMF) (talk) 18:29, 28 April 2026 (UTC)

Afrikaans

Hello. I'm looking for translation of description "lied van Käärijä en Basshunter" in Afrikaans for Wikidata item. I already have "enkelspeler van Käärijä en Basshunter" for "single van Käärijä en Basshunter". I would also need "1-track single by Käärijä and Basshunter" for Afrikaans. Would you help? Eurohunter (kontak) 20:16, 29 April 2026 (UTC)

Hallo Eurohunter, ek het op die oomblik slegs toegang tot die aanlyn WAT, en "enkelspeler" verskyn eintlik glad nie daarin met die musiekbetekenis nie. Wat ek wel kry, is "enkelsnit":

enkelsnit s.nw., enkelsnitte. 1 Plaat (plaat 3 a) wat net een snit aan elke kant bevat, of CD wat net twee snitte bevat: Lank vóór die groep se eerste album het C. ('n sangeres) al begin dink hulle gaan 'n sukses wees. "Dit was 1987 en ons een enkelsnit Move Up het baie lugtyd oor die radio gekry" (Rapport, 15 Jun. 2008, Tydskrifr., E). Vgl. enkelsnit-cd, enkelsnitplaat. 2 Opname, veral liedjie van 'n kunstenaar, wat dikw. vir die promosie van 'n album uitgereik en as moontlike treffer bemark word, of enigeen v.d. snitte op 'n album wat individueel beskikbaar is: Die eerste enkelsnit van die album, wat al baie lugtyd op plaaslike radiostasies gekry het, is "Hey There Delilah" (Beeld, 24 Sept. 2007, Jip, E).  Dit was vir haar ('n rocksanger) belangrik om 'n hele album vol liedjies met trefkrag te skryf. "Dit sal 'n jammerte wees as alle kunstenaars net enkelsnitte of treffers probeer opneem" (Beeld, 29 Apr. 2015, E).  Apple was die middelpunt van die musiekbedryf vir die dekade nadat die iPod bekend gestel is. Toe het iTunes gevolg en verkope van enkelsnitte, pleks van albums, het begin posvat (Burg., 24 Jun. 2015, E). enkelsnit-CD s.nw., enkelsnit-CD's. CD wat net twee snitte bevat: Once in a lifetime met die titelsnitliedjie en … Soledad is Maandag uitgereik … Enkelsnit-CD's bereik dubbelplatinum sodra 50 000 kopieë verkoop word (Beeld, 27 Jun. 2002, 3). Vgl. enkelsnit 1. enkelsnitplaat s.nw., enkelsnitplate. (verouderd) Plaat (plaat 3 a) wat net een snit aan elke kant bevat: As enkelsnitplate het sy musiek nie verkoop nie. "Ek was aanvanklik teleurgesteld in dit wat ek in die musiekbedryf teëgekom het" (Volksbl., 4 Aug. 2015, E). Vgl. enkelsnit 1, kortspeelplaat 1 en 2.

Ek sou dus "1-track single by Käärijä and Basshunter" as "enkelsnit met 1 snit deur Käärijä en Basshunter" vertaal, maar dalk kan ons by iemand met 'n HAT (bv. Gebruiker:BurgertB) hoor of ons ook enkelspeler in hierdie geval kan gebruik.

– 🍍 Pynappel (kontak) 12:25, 30 April 2026 (UTC)

Thanks for whole explanation in Afrikaans. I went after enkelspeler where it says "'n Enkelspeler or enkelsnit is 'n spesiale vrystelling van 'n musiekopname wat minder snitte as 'n langspeler bevat.", so maybe this article is inadequate? Enkelspeler was also used in articles such as "Despacito" or "Viva la vida" and it is also used in Sjabloon:Inligtingskas liedjie. Hard to say. In Polish we have similar problem with "maxi single", where profesional dictionaries show something weird variants, than what is actually used in practise. Btw. looks like I just got "lied van Käärijä en Basshunter", which would be "liedjie van Käärijä en Basshunter"? Eurohunter (kontak) 14:59, 30 April 2026 (UTC)

Guys, in my younger years an enkelspeler was also known as kortspeelplaat. The album then was a langspeelplaat with 6 to 7 songs on. The hit song from the album was released as kortspeelplaat. The Album had to be played at 33⅓ rpm and a kortspeler at 45 rpm! That is about 50 year ago! Best regards. Oesjaar (kontak) 15:56, 30 April 2026 (UTC)

@Eurohunter according to WAT "lied" and "liedjie" are pretty much synonyms although "liedjie" is probably more appropriate for popular music. I think you can pick whichever one you choose. I also think it is OK to go with "enkelspeler" since it's already being used like that on this wiki.

lied s.nw., liedere; liedjie. 1 a i Musikale komposisie van woorde en wysie wat 'n eenheid vorm en bedoel is om gesing te word; soms ook, die wysie alleen: Geestelike, godsdienstige, liturgiese liedere. Wêreldlike of profane liedere. 'n Eenstemmige, meerstemmige lied. 'n Dramatiese lied. 'n Vrolike, ernstige, treurige lied. 'n Lied komponeer, skryf. Liedere sing, neurie. ≈ Opname van Afrikaanse liedere en musiekstukke op grammofoonplate (A. Coetzee: Afr. Kultuurgedagte, s.j., 279).  Die kerklied moet lied bly, d.w.s. ritme en rym moet daarby nie ontbreek nie (J.D. du Toit: Werke VII, 1961, 141).  Ons prys u, Heer, in sang en lied! (Ber. Ps. 68: 13, 1944).  Die ... program bied én liedere én chansons aan ... Die publiek sal maar self moet besluit of hulle na liedere of na chansons luister (Burg., 7 Sept. 1989, 17). ■ Ook fig.: Alles lyk ... vol skoonheid en blydskap ... Daar is 'n lied in jou hart (E. Marais: Keurverh., 1948, 38). ii (dikw. met 'n hl. Lied) mv. lieder. (D.) Kunslied (KUNSLIED 2): Sy wye repertorium opera, konsertwerke en lieder (Transv., 1 Febr. 1989, 1).  'n Groep lieder van Sibelius (wat) geen duim agteruit (staan) vir Wolf en Strauss nie (Volksbl., 4 Mrt. 1986, 5).  Die allerbeste voorbeelde van die kunslied is die Lieder van Schubert, Schumann, Franz, Brahms en Wolf (V.d. Spuy – Wise: Musiekgesk., s.j., 161). b Geluid of geluide wat aan 'n lied laat dink: Die lied van die sonbesies wat in sy ore sny (A. Coetzee: Naatlos, 1973, 15).  Die wind waai 'n lied van verlatenheid (M. v. Tonder: Sneeu, 1970, 27).  Die gedreun van die verkeer vervaag ... onderwyl ons na die lied van die meulstroom luister (A. Hofmeyr: Meulsloot, 1967, 41).  In die oerwoud van Midde-Afrika (kon hy) die lied van die wildernis ... hoor (R.P. Visser in Jb. Afr. Skrywerskring, 1936, 67). 2 Liriese, soms epies-dramatiese gedig, gew. gekenmerk deur musikaliteit en dikw. spontaneïteit en volkse eenvoud, maar ook met kenmerke v.d. kunslied: Liriese digsoorte soos die lied (waaronder liefdesliedere, treurliedere, volksliedere, natuurliedere, kinderliedere, geestelike liedere, slampamperliedjies, ens.) (A.P. Grové: Woord4, s.j., 122).  By W.E.G. Louw bereik die lied iets jeugdig moois, soos ... in sy "Nagliedjies" (D.J. Opperman: Dertig, 1953, 49).  Bekende liedere in Afr. is ... C.L. Leipoldt se Slampamperliedjies, waarvan sommige getoonset is (Afr. Kernens., 1965, 481). Vgl. GESANG 2, LIEDJIE, SANG. lied’agtig, liedag’tig b.nw., lie’deraand s.nw., lie’dereaand s.nw., lie’deresanger s.nw., lie’deresiklus s.nw., lie’dereskat s.nw., lie’derkomposisie s.nw., lie’derkonsert s.nw., lie’derkuns s.nw., lie’dersanger s.nw., lie’dersiklus s.nw., lie’derskat s.nw., lie’derteks s.nw., lie’deruitvoering s.nw., lied’kuns s.nw., lied’siklus s.nw., lied’teks s.nw. liedjie s.nw., liedjies. 1 Vkw. van lied. 2 Lied van veral ligte, meer volkse aard: Toe die Afrikaanse lied met die luisterliedbeweging begin blom het, was daar baie liedjies van verskeie liedjieskrywers om van te kies (Beeld, 21 Jul. 1986, Kalender, 1).  Vrolik het hy die klavier gespeel en die jolige liedjies ... het tot laat voortgeklink (S. Eyssen in Jb. Afr. Skrywerskring, 1936, 62).  Kwasiegeestelike liedjies wat in gees en wese aan die "pop"-lied gegrens het (Handhaaf, Mrt. 1979, 16).  Die vroegste tendensie van Dertig ... is 'n voorliefde om die liedjie te beoefen ... Dit wil meesal 'n eenvoudige, spontane, volkse gediggie wees (D.J. Opperman: Dertig, 1953, 49). Vgl. DEUNTJIE. UITDR. IDIOMATIES maak: 'n liedjie maak van (iets) (streektaal; minder gebruiklik) 'n Gewoonte maak van (iets): Hy sal so nou en dan 'n dop steek, maar hy maak nie 'n liedjie daarvan nie (Malmesbury). Van leen het my buurvrou naderhand 'n liedjie gemaak (Wellington). lied’jiemaker s.nw., lied’jiesanger s.nw., lied’jiesmaker s.nw.

Although I must add I am probably not the best person to ask about language issues. We have some language experts here e.g. Gebruiker:BurgertB, Gebruiker:Suidpunt, Gebruiker:Geebee100, Gebruiker:Woordgenoot who may be able to assist better on this topic.

– 🍍 Pynappel (kontak) 16:01, 30 April 2026 (UTC)

Ek het gedink ek ken ook enkelspeler, maar dit lyk my die Afrikaanse woordeboeke maak 'n onderskeid tussen enkelspeler soos in tennis en enkelsnit vir musiek. Ek sal dus ook maar met enkelsnit gaan. Net vakwoordeboeke soos die Ekonomiese en Wiskundige Woordeboek geen enkelspeler aan in verband met musiek, en ek sal hulle nie kies bo byvoorbeeld die WAT nie. ~ Burgert (kontak) 18:25, 30 April 2026 (UTC)

@Pynappel: @BurgertB: To summarize. I will use "liedjie van Käärijä en Basshunter" for song and "enkelspeler van Käärijä en Basshunter" for single. I will ask yet if "ateljeealbum van Basshunter" for "studio album by Basshunter" would be correct? The last thing I would need yet is "music video by Basshunter" in Afrikaans. Eurohunter (kontak) 05:36, 1 Mei 2026 (UTC)

"ateljeealbum van Basshunter" is correct. "music video by Basshunter" is "musiekvideo van Basshunter". There is a difference between "van" and "deur" but I think "van" is OK in this context. – 🍍 Pynappel (kontak) 06:48, 1 Mei 2026 (UTC)

Yeah I noticed "deur" and wasn't sure why. Is this related to music groups? Eurohunter (kontak) 09:18, 1 Mei 2026 (UTC)

No, it's like English "by" = "deur" and "of" = "van". I think "van" is just less specific. "musiekvideo deur Basshunter" = Basshunter het die musiekvideo gepubliseer. "musiekvideo van Basshunter" = "die musiekvideo kom van/behoort aan Basshunter". It's more of a style question. I don't think it's that important of a distinction. – 🍍 Pynappel (kontak) 09:27, 1 Mei 2026 (UTC)

Thanks. If we have chance, let's get yet "compilation album by Basshunter", "promotional single by Basshunter" and "lyric video by Basshunter", so all will be completed. Eurohunter (kontak) 23:34, 1 Mei 2026 (UTC)

My opinion:

• versamelalbum van Basshunter
• promosionele enkelsnit van Basshunter
• liriekevideo van Basshunter

But you can use enkelspeler instead of enkelsnit as discussed above. – 🍍 Pynappel (kontak) 05:12, 2 Mei 2026 (UTC)

All added. Big thanks. Eurohunter (kontak) 21:14, 3 Mei 2026 (UTC)