Bespreking:Kartago

in Wikipedia, die vrye ensiklopedie
Jump to navigation Jump to search

Spelling[wysig bron]

Toe ek hierdie artikel in die onlangse wysigings sien, toe dog ek dit is dalk 'n spelfout, maar sukkel toe om veel te kry in woordeboeke of Nederlandse interwiki-skakels. Ek kry toe wel 'n paar verwysings op die web vir die spelling wat ek verwag het, "Kartage" [1][2][3][4]. Maar ek sien dat "Kartago" ook gebruik word, bv. [5]. Is dit 'n streeksverskil, (Stellenbosch teenoor Pretoria) of gewoon alternatiewe? Ek neem aan dit is die selfde plek. Het enigeen meer bronne of idees? --Alias (kontak) 09:17, 7 Mei 2016 (UTC)

Ek dink dat Kartage 'n anglisisme is. Die Latynse vorm is Carthago en so word dit ook in Nederlands gebruik. Duits het Karthago, en in baie ander vorme ook in ander tale. Die verswakking -age is Frans of Engels. Selfs Wallies handhaaf die Latynse vorm. Jcwf (kontak) 15:58, 7 Mei 2016 (UTC)
Terloops hoe sou jy Kartage uitspreek? Met Afrikaanse g? Jcwf (kontak) 16:02, 7 Mei 2016 (UTC)
Jcwf, jy't my gevra of ek dalk meer hiervan weet. Nie eintlik nie, maar soos ek dit nog altyd het, is die Afrikaanse naam Kartago, nie Kartage nie. Mense wat daar gewoon het, word wel Kartagers genoem en die adjektief is Kartaags. Ek dink, net soos jy, dat die neiging om die Kartage te skryf 'n regstreekse oorname van die Engelse Carthage is. Oor die uitspraak sal ek nie 'n mening wil waag nie, maar self het ek dit nog altyd met die "Afrikaanse" g uitgespreek en nie soos in Chicago nie. Mieliestronk (kontak) 22:55, 7 Mei 2016 (UTC)
Ek kry nou kans om in die AWS te kyk, en sien hulle gee "Kartago" en "Carthago" aan. Dit is ten minste 'n gesaghebbende bron. Die publikasies wat ek bó genoem het, is darem nie sommer net nie. Dit is darem 'n akademiese publikasie, Litnet en Vrouekeur, wat darem bietjie meer gesag by my dra as sommer net enige plek. Ek stel dan maar die aansture op, want dit lyk ten minste na 'n gebruikte alternatief. Terloops, ek ken dit met 'n Afrikaanse uitspraak (kar-taa-ge, soos "barbare" en met 'n "g" soos in "grond"). --Alias (kontak) 18:37, 8 Mei 2016 (UTC)
Ek het Carthago en Kartage toegevoeg as moontlike alternatiewe en jou aanstuur van Chartago na Carthago geskuif. :-) Jcwf (kontak) 19:25, 8 Mei 2016 (UTC)

Interwiki[wysig bron]

Terloops, watter interwikiskakels is gepas? Dit is nie vir my heeltemal duidelik nie. --Alias (kontak) 09:17, 7 Mei 2016 (UTC)

Het hulle toegevoeg. Jcwf (kontak) 16:01, 7 Mei 2016 (UTC)