Bespreking:Orale seks

in Wikipedia, die vrye ensiklopedie
Jump to navigation Jump to search

Beelde[wysig bron]

Alhoewel Wikipedia nie gesensor word nie, hoef 'n artikel ook nie belaai te wees met moontlik skokbare beelde nie. Ek het die mees onlangste beeld deur 72.232.136.202 verwyder: dit is heeltemal oorbodig om 5 beelde vir so 'n klein artikel te hê wat almal dieselfde ding uitbeeld.

Ons moet onthou dat die algemene reël van: "as iemand nie daarvan hou nie, hoef hulle nie daarna te kyk nie" hier 'n swak skakel het. As ek op 10-jarige ouderdom die "Lukrake bladsy" gekliek het en op een van hierdie eksplisiete seksuele artikels afgekom het, sou ek sekerlik getraumatiseer gewees het. Soos ek gesê het: ons is nie gesensor nie, maar ons is wel ordentlik genoeg om ander mense te konsidereer. Anrie 06:30, 7 Junie 2007 (UTC)

Sensor[wysig bron]

Ek stem nie saam dat al vyf beelde dieselfe ding uitgebeeld het nie. Daar is fellasie, cunnilingus, die 69-posisie en outofellasie. Die nuwe beeld was egter oorbodig, omdat dit die reeds gemelde fellasie net uit 'n ander hoek uitbeeld en met 'n vrou, pleks van 'n man, as gewer. Boonop was die beeld van swak gehalte en grens dit aan pornografie, pleks daarvan dat dit primêr opvoedkundig is. Die reeds bestaande vier beelde is insiggewend, maar nie bra prikkelend nie. Ek ondersteun dus die verwydering, hoewel ek nie glo ons moet artikels met 10-jariges se emosies in ons agterkop skep nie, want wat hulle byvoorbeeld in Engels by "fisting" en "human toilet" kan lees, is tien keer erger as 'n vrou wat fellasie op 'n onderbedeelde man toepas. Morne 18:07, 7 Junie 2007 (UTC)

Terloops: Kan 'n beeld sondermeer verwyder word, of moet dit eers bespreek word? Skep ons nie 'n gevaarlike presedent as gebruikers sommer lukraak besluit hulle hou nie van 'n beeld wat 'n ander gebruiker geplaas het nie, en dit dan verwyder? Gestel ek hou nie van 'n beeld wat JY geplaas het nie, gee 'n kort motivering (bv. dis 'n lelike kar en te raar om die artikel oor karre te illustreer) en verwyder dit dan sommer uit eie beweging. Morne 18:14, 7 Junie 2007 (UTC)
Sensor is 'n sensitiewe saak, ek sal dit later volledig in die Geselshoekie of iewers bespreek. Wil ons gebruikers (en potensiële bydraers) na Wikipedia in Afrikaans lok deur oor seks te skryf, of wil ons hulle afskrik? Ons moet basiese bemarkingsbeginsels in gedagte hou. Pendoring 18:34, 7 Junie 2007 (UTC)
Ek dink nie dit gaan oor "lok of afskrik" nie. As iemand geroepe voel om artikels oor seks te skep, is dit bloot (hopelik) ter uitbreiding van die Wiki. Dit is tog 'n integrale deel van die menslike ervaring en behoort net so neutraal benader te word soos artikels oor kos, vervoer, lande of musiek, byvoorbeeld. Ek dink mense sal eerder gelok of afgeskrik word deur die Afrikaanse Wikipedia se volledigheid al dan nie. Morne 19:05, 7 Junie 2007 (UTC)


Ek het nie bedoel dat die ander beelde nie geldig is nie - my kommentaar was bloot rakende die nuwe beeld. Jou argument van "die Engelse artikels is baie erg, maar ons is net 'n bietjie erg" maak nie vir my sin nie, altans, dis hoe ek dit verstaan. Ek stem wel saam dat die huidige beeld nie toepaslik was nie, a.g.v. verskeie redes wat jy genoem het.
Beelde kan verwyder word sonder 'n bespreking. Dit word egter versoek dat daar in die opsomming gesê word hoekom: "beeld verwyder - kopieregskending", "onensiklopedies beeld verwyder/vervang". As 'n rede nie werklik geldig is nie, bv. "beeld verwyder, ek hou nie van 'n rooi kar nie", is dit moontlik dat iemand anders jou wysiging sal terugrol.
Indien jy wel 'n beeld verwyder en iemand dit weer terugplaas is dit raadsaam om die verwydering dan te bespreek: noem jou probleem met die oorspronklike beeld as ook 'n oplossing indien daar een is, bv. om die beeld te vervang met een wat duideliker/meer ensiklopedies/minder pornografies/watookal is. Sodoende word wysigingsoorloë vermy.
Hoop dit beantwoord jou vrae... Anrie 18:43, 7 Junie 2007 (UTC)