Bespreking:Sagteware

in Wikipedia, die vrye ensiklopedie
Jump to navigation Jump to search

Standaardisering van terme[wysig bron]

Sagteware[wysig bron]

Die term is nie so vryelik in gebruik nie en dit is uit die hoek van Afrikaans gunstiger dat daar wegbeweeg word van die 'software' = sagteware by hierdie Wiki. Die beste Afrikaans is 'programmatuur' en skakel enige dwaling oor rekenaar vs (watter?) sagteware uit. Daar is bv. in die algemene handel ook sprake van 'sagteware' wat te doen het met alles wat nie in 'hardeware'-winkels te koop is nie. Die resultaat van rekenaarprogrammering is immers ‘n program, dit pas by programmatuur, en Programmatuur-ingenieurswese is 'n heerlike uiting vir die beroep. Nutsprogramme is ook al ter sprake, ens. Ander menings?--GerharBe 17:06, 7 September 2006 (UTC)

Hardeware[wysig bron]

Terwyl daar nou 'n goeie begin gemaak is met 'sagteware' (verkieslik 'Programmatuur') kan al die verwysings na hardeware in die artikel verander na 'apparatuur', wat kan skakel na die artikel 'Apparatuur (rekenaars)'. 'n Vroegbeplande suiwering kan ergernis verhoed vir toekomstige dinamiek in die artikel. Ander menings?--GerharBe 17:06, 7 September 2006 (UTC)


Ek glo hierdie terme (hardeware en sagteware) is algemeen in gebruik. As ek sê ek het sagteware op my rekenaar geïnstalleer, glo ek nie daar sal enige misverstand wees nie. Sien gerus vorige besprekings by Wikipedia:Rekenaarterme. --Alias 19:03, 7 September 2006 (UTC)

Dankie, Alias, vir die skakel na die artikel oor rekenaarterme – kom daarvan as ‘n mens die bestaande konvensies nie opsoek nie. Soos altyd respekteer ek jou leiding hier by die Wiki.--GerharBe 21:21, 7 September 2006 (UTC)
Teen hierdie agtergrond begryp ek dat my poging op hierdie stadium is soos om die noordewind te probeer draai... soos dit ‘n futiele poging is om WordPerfect (Tm) te laat opstaan teen MSWord ;-) My repliek volg onder afsonderlike opskrif hieronder.--GerharBe 21:21, 7 September 2006 (UTC)

Fermware[wysig bron]

Dit is (ongelukkig) so dat hardeware en sagteware in algemene gebruik is. Persoonlik verkies ek egter ook apparatuur en programmatuur. Ek lees in een van die Wiki-artikels die woord "fermware", vermoedelik bedoel as die Afrikaans vir firmware. Die woord val vir my vreemd op die oor - wil iemand nie 'n beter alternatief voorstel nie? --

Wat van Vervaardigersprogrammatuur; ingeslote programmatuur; Ingeboude programme/programmatuur? --RM 20:16, 7 September 2006 (UTC)

Repliek[wysig bron]

Klem op my voorgaande standpunt is nodig: Die resultaat van rekenaarprogrammering is immers ‘n program, dit pas by programmatuur.. en om te praat van bv. nuts-sagteware (nutsagteware?) is iets boos, waar nutsprogramme min inspanning verg om selfs deur ons luies gebruik en verstaan te word.

Ook: eerder as om genadeloos te wysig, slyp ons onder mekaar die ontplooiing na ‘n aanvaarbare formaat en terminologie. Die outeur moet ook in hierdie geval betrokke raak en terme binne die artikel konsekwent toepas: as dit sagteware is, dan nêrens programmatuur nie, ens. Dit dien geen doel om die generiese variasies te verduidelik en terme dan rond en bont in die artikel te gebruik nie :-)

Ek het die opinie dat die Wiki leesbaar geskryf moet word en sekerlik is dit reg om woordeboeke en -lyste te raadpleeg ten einde te voldoen aan die NS en (intydse) taalstandaard, waar 'n individu se aantog, soos myne in hierdie geval, dan ondergeskik staan. Die moeilikheid is dat in sommige artikels kwaliteit, konsekwente, en verstaanbare taalgebruik gehandhaaf word, terwyl ander bloot die maklike uitweg volg en die leser krap. Ek vermoed laasgenoemde is 'n rede waarom die Wiki-ensiklopediegedagte deur sommiges geminag word. In die gees van die Wiki, waarmee ek kan vereenselwig, is voorgaande nie genoegsame rede om die rug op die Wiki te keer nie – as 'n swak vertaling of skryfstyl in 'n artikel gevind word, kan enigeen genadeloos wysig, dus kan ek inspring en enige artikel skryf na gelang my redelike stylvoorkeur en enige artikel wysig met dieselfde redelike benadering – om dalk net (genadeloos) teruggerol te word?

Die vraag in hierdie verband is: volg ons 'n populêre skryfstyl?

Hoe ek ookal daaroor 'voel' is egter nie ensiklopedies aanvaarbaar nie, en verteenwoordig dan ook nie die NS nie. Tog 'voel' ek sterk daaroor, in die onderhawige artikel en oraloor waar hierdie goggas pla. Tot so 'n mate dat ek wil inspring en wysig, selfs net om te bepaal wat die reaksie is. Vir speletjies is daar egter nie tyd nie.

Dankie vir die harde werk van sysop vrywilligers – julle taak is gevul met merkwaardige toewyding.

Nog menings? Indien ons hier ooreenkoms bereik kan dit by Wikipedia:Rekenaarterme ingeskryf word as maatstaf vir almal om na te kom.--GerharBe 21:21, 7 September 2006 (UTC)

Ek ondersteun enige taalveranderinge wat verseker dat Afrikaans sy unieke taalkarakter behou en al besef ek dat nuwe terminologie soms noodwendig sal lei tot leenwoorde uit engels, voel ek ook dat ons eerder die Afrikaanse woorde waar hul wel bestaan moet gebruik en die engelse leenwoorde 'n sekondêre rol (al is hulle tot 'n mate al in algemene spreektaal gevestig) hier moet gee. Afrikaners is tog geneig om engelse woorde soos "actually" ook baie in hul algemene spreektaal te gebruik tog is daar eintlik niemand wat dit ernstig as 'n afrikaanse woord beskou nie. --RM 03:56, 8 September 2006 (UTC)