Bespreking:Springbok, Noord-Kaap

in Wikipedia, die vrye ensiklopedie
Jump to navigation Jump to search

Advertensie[wysig bron]

Uit die artikel: Daar is twee hotelle en talle gastehuise asook die bekende geel-en-wit gastekamers van 'n bekende inwoner, mnr. Jopie Kotze. Is dit nie bietjie te naby aan reklame nie? Daar word geen bewyse gegee dat hierdie gastekamers enigsins meer bekend is as die res van die gastehuise nie, of waarvoor hulle bekendheid verwerf het nie. Hoekom word mnr. Jopie Kotze bo die ander gastehuiseienaars voorgetrek? Anrie 12:55, 12 April 2007 (UTC)

Omdat mnr. Jopie Kotze tientalle huise langs die hoofstraat, Voortrekkerweg, uitgekoop het, dikwels teen verdagte pryse van veral bejaarde inwoners, en al die huise 'n monotone geel en wit geverf het. Dit is tans een van die uitstaande kenmerke van die dorp, naas die granietkoppies en die geskiedkundige klipkerk van die NG gemeente Namakwaland. Wat getal kamers betref, is Kotze s'n meer as al die ander gastehuise s'n saam. Morne 13:49, 19 Mei 2007 (UTC)

Onensiklopedies?[wysig bron]

Uit die artikel:
In die nabyheid is ook Spektakelpas, 22 km Wes van die dorp en net Oos van die Buffelsrivier, waar volgens oorlewering 'n ossewa omgeval het en die vrouepassasiers 'n spektakel veroorsaak het toe hulle uitgeval het.
Datums? Hoe so, 'n spektakel? Wat is die aanvaarde manier om uit 'n ossewa te val as dit sou omkeer? Staaltjies wat basies geen inligting bevat of niks bydra tot die artikel hoort mos nie op 'n ensiklopedie nie? Anrie 12:58, 12 April 2007 (UTC)

Die sin verduidelik die oorsprong van die naam Spektakelpas en bevat dus belangrike inligting. --Voyageur 14:35, 12 April 2007 (UTC)
Gaats - ek begryp nou eers dat die pas se naam "Spektakelpas" is; om die een of ander rede het my swak brein nie "Spektakelpas" lekker geprosesseer nie en dag ek dat dit sommer 'n nonsensnaam was (menende, ene wat nie na iets verwys nie). Dankie, Voyageur. Anrie 15:00, 12 April 2007 (UTC)

Spelling[wysig bron]

Ek sien iemand het die korrekte "NG gemeente" en "NG kerk" verkeerd gemaak as "NG-gemeente" en "NG-kerk". Wanneer die afkortings uitgeskryf word as "Nederduitse Gereformeerde kerk" en "Nederduitse Gereformeerde gemeente" blyk dit duidelik hoekom daar geen koppelteken is nie. Dieselfde geld "VSA-atlete", maar "SA sangers", of "AGS-lidmate", maar "NH predikante" (vir Nederduitsch Hervormde predikante). Morne 13:53, 19 Mei 2007 (UTC)

Spelling: Rigtings[wysig bron]

Rigtings word slegs met hoofletters geskryf wanneer dit selfstandige naamwoorde is, bv. "Noord en Suid moet saamwerk", andersins altyd klein. Morne 13:58, 19 Mei 2007 (UTC)

Spelling: Deelteken[wysig bron]

Klinkers wat sonder die deelteken eenlettergrepig uitgespreek kan word, word deur die deelteken tweelettergrepig gemaak. In "kommersieel" word die "ieel" in elk geval tweelettergrepig uitgespreek, daarom is die deelteken oorbodig. Omdat in "kommersiele" die "iel" eenlettergrepig uitgespreek sal word sonder die deelteken, word hy hier wel bygevoeg, soos ook die geval is met "finansieel" maar "finansiële" en "materieel" maar "materiële". Morne 14:06, 19 Mei 2007 (UTC)