Bespreking:Wêreldhandelsentrum

in Wikipedia, die vrye ensiklopedie
Jump to navigation Jump to search

Naam[wysig bron]

Ek het onlangs hieroor navorsing gedoen en het gevind dat hierdie gebou in die gedrukte media amper deurgaans die "World Trade Center" genoem is. Net die SABC het "Wêreldhandelsentrum" gebruik in hulle nuusberigte. In die gedrukte media was die "Wêreldhandelsentrum" merendeels gebruik vir die gebou in Kemptonpark waar die Codesa-samesprekings destyds gehou is. Sal dit nie dalk beter wees om die artikel dalk maar na "World Trade Center" te skuif nie? -- EvZ 14:08, 28 April 2006 (UTC)

Ek dink ons gebruik eerder 'n deurwysing van World Trade Center af. Daar is Wêreldhandelsentrums oral oor die Wêreld - bv in Helsinki, Bangkok, Franfurt, Dreden ens. Die Kemptonpark voorbeeld is dis nie so uniek nie. Dit lyk wel of dit in ander lande steeds die engelse naam gebruik, maar ek dink nie ons hoef die voorbeeld te volg nie. Litnet, Die Burger, Die Republikein ens gebuik almal Wêreldhandelsentrum vir die gebou/e wat in New York gestaan het. Laurens 15:14, 28 April 2006 (UTC)
(Laurens het my nou-net voorgespring, dus maak my kommentaar dalk nie perfek sin nie.) Dankie vir die inligting, EvZ! Sjoe, altyd nog iets om oor na te dink. Ek sien wel in 'n vinnige soektog verwysings na "Wêreldhandelsentrum" in ander stede. My persoonlike voorkeur is maar altyd vir 'n Afrikaanse naam, veral in gevalle waar 'n naam bloot uit normale woorde bestaan. "Wêreldhandelsentrum" is nie vreeslik vreemd nie, aangesien ons in elkgeval die Suid-Afrikaanse plek so noem. As jy praat van die gedrukte media - het ons enige rolspelers behalwe media24? Ek vermoet hulle het gewoonlik 'n organisasiewye beleid hieroor en sal dit dus verklaar ten minste in die media24-groep. My persoonlike voorkeur is dan genoem. Kom ons hoor wat sê ander. --Alias 15:24, 28 April 2006 (UTC)
Goed so. Dit was in die Media24-groep se argief waar ek dit gesien het. Dit was ook nie sonder uitsondering nie, maar dit was die oorweldigende patroon. Maar dit lyk goed soos dit verander is. -- EvZ 09:34, 29 April 2006 (UTC)