Betanië
Betanië of Bethanië was ’n dorpie op die suidoostelike helling van die Olyfberg, enkele kilometers vanaf Jerusalem. Talle van die belangrike gebeurtenisse in die Nuwe Testament het hier afgespeel.[1]
Betanië is in die Bybel bekend as die die woonplek van Simon die melaatse en van Lasarus met sy susters, Maria en Martha. Jesus het ook hier oornag. Dit is verder die plek van die vervloekte vyeboom en volgens Lukas 24 die plek van die Hemelvaart van Jesus.
Skrifgedeeltes wat na die dorp verwys is Matteus 21:17, 26:6, Markus 11:11, Lukas 24:50 en Johannes 11:1 en 12:1.
Betanië word tradisioneel met die hedendaagse dorp al-Eizariya verbind, waar die beweerde graf van Lasarus ongeveer 1,5 myl (2,4 km) oos van Jerusalem geleë is. Dit die egter moontlik dat die antieke Betanië hoër op teen die Olyfberg, nader aan Betfage geleë was.[2]
Verwysings[wysig | wysig bron]
- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ D. Zanecchia La Palestine d'aujourd'hui, ses sanctuaires, ses localités bibliques et historiiques (Paris, 1899), Vol. I, 445-446.
Eksterne skakels[wysig | wysig bron]
Wikimedia Commons het meer media in die kategorie Betanië.
Koördinate: 31°46′17.08″N 35°15′40.77″O / 31.7714111°N 35.2613250°O