Bethlehem, Vrystaat (kiesafdeling)

Abraham Fischer, eerste LV vir Bethlehem.

Bethlehem was 'n kiesafdeling van die Suid-Afrikaanse Volksraad vanaf die eerste algemene verkiesing op 15 September 1910 ná Uniewording op 31 Mei daardie jaar.

In die eerste verkiesing in Bethlehem word die eerste en enigste eerste minister van die Oranjerivierkolonie, Abraham Fischer, onbestrede vir die Regerende Party verkies. Hy sterf egter in November 1913 en in die tussenverkiesing op 9 Februarie 1914 is dit die Nasionale Party se Johannes Hendricus Brand Wessels wat onbestrede verkies word. In die algemene verkiesing van 1915 sê die S.A.P. se C.L. Labuschagne hom die stryd aan, maar Wessels behou die setel met 'n meerderheid van 655, drie meer as die getal stemme wat sy teenstander kon kry.

Bronne

• Schoeman, B.M. 1977. Parlementêre verkiesings in Suid-Afrika 1910-1976. Pretoria: Aktuele Publikasies.