15 September

15 September is die 258ste dag van die jaar in die Gregoriaanse kalender (259ste in skrikkeljare). Daar volg nog 107 dae.

Gebeure

• 1590 – Pous Urbanus VII volg Pous Sixtus V op as pous van die Rooms-Katolieke Kerk.
• 1644 – Pous Innocentius X volg Pous Urbanus VIII op as pous van die Rooms-Katolieke Kerk.
• 1784 – Vincenzo Lunardi laat die eerste waterstofballon opstyg.
• 1835 – Charles Darwin bereik die Galápagos Eilande, waar hy begin om sy teorieë oor evolusie te ontwikkel.
  

  Vlag van die Duitse Derde Ryk, 1935-1945, met swastika

• 1879 – Anglo-Zoeloe-oorlog: Die Zoeloekoning Cetshwayo kaMpande word as krygsgevangene na Kaapstad gestuur waar hy in die Kasteel die Goeie Hoop gevange gehou word.
• 1910 – Eerste Volksraadsverkiesing in Suid-Afrika na Uniewording.
• 1916 – Eerste Wêreldoorlog: Tenks word vir die eerste keer gebruik tydens die Slag van die Somme deur Brittanje.
• 1935 – Nazi-Duitsland stel die Neurenbergse Wette in wat Duitse Jode burgerskap ontneem, en neem 'n nuwe vlag met die swastika aan.
• 1945 – Die ringskommissie van Bulawayo besluit om die NG gemeente Mufulira van NG gemeente Nkana af te stig.
• 1963 – 'n Bomontploffing, waarin verskeie kinders sterf, ruk die '16th Street' Baptiste-kerk, 'n Afrikaan-Amerikaanse kerk in Birmingham, Alabama.
• 1966 – Brittanje laat die HMS Resolution te water, die eerste volwaardige Britse kernaangedrewe duikboot.
• 2008 – Na marathon-onderhandelinge gelei deur pres. Thabo Mbeki, teken die Zimbabwiese president, Robert Mugabe, en twee opposisieleiers, Morgan Tsvangirai en Arthur Mutambara, 'n magsdelingsooreenkoms.

Geboortes

• 1254 – Marco Polo, een van die eerste (tesame met sy pa en oom) westerlinge om met die syroete na China te reis († 1324).
• 1613 – François de La Rochefoucauld, Franse skrywer († 1680).
• 1857 – William Howard Taft, 27ste President van die Verenigde State († 1930).
• 1858 – Jenő Hubay, Hongaarse violis en komponis († 1937).
• 1871 – I.W. Schlesinger, sakemagnaat en baanbreker van die Suid-Afrikaanse vermaakbedryf († 1949).
• 1890 – Agatha Christie, Engelse speurverhaalskryfster († 1976).
• 1892 – Helena Lochner, Afrikaanse skryfster († 1951).
• 1895 – Dr. Jan van Bruggen, Afrikaanse digter, skrywer, onderwyser en dosent († 1948).
• 1919 – Dirk van der Walt, predikant in die Gereformeerde Kerke in Suid-Afrika († 1985).
• 1933 – Rubem Alves, Brasiliaanse teoloog, filosoof, opvoeder, skrywer en psigoanalis († 2014).
• 1945 – Jessye Mae Norman 'n Amerikaanse sopraan († 2019)
• 1946 – Mike Procter, Suid-Afrikaanse krieketkaptein en keurder.
• 1947 – Sandra Prinsloo, Afrikaanse aktrise-regisseur.
• 1957 – Fulton Allem, Suid-Afrikaanse beroepsgholfspeler.
• 1962 – François Bloemhof, Suid-Afrikaanse skrywer.

Sterftes

• 668 – Constans II, keiser van die Bisantynse Ryk (* 630).
• 1859 – Isambard Kingdom Brunel, Engelse meganiese en siviele ingenieur (* 1806).
• 1914 – Koos de la Rey, Boeregeneraal gedurende die Anglo-Boereoorlog (* 1847).
• 1927 – Herman Gorter, Nederlandse digter. (* 1864).
• 1975 – Antoine Abed, aartsbiskop van die Maroniet-Katolieke kerk in Tripoli, Libanon (* 1896)
• 2006 – Oriana Fallaci, Italiaanse joernalis en skryfster (* 1929).
• 2010 – Bettie Cilliers-Barnard, bekende Suid-Afrikaanse skilder (* 1914).
• 2014 – Nikolaas Romanowitsj Romanof, Russiese prins (* 1922).

Vakansies, vierings, en waarnemingsdae

• Onafhanklikheidsdag in Costa Rica, Guatemala, Honduras, Nicaragua en El Salvador (1821)