31 Mei

31 Mei is die 151ste dag van die jaar in die Gregoriaanse kalender (152ste in skrikkeljare). Daar volg nog 214 dae in die res van die jaar.

Gebeure

• 1188 – Pous Clemens III sluit vrede met die senaat en die volk van Rome.
• 1433 – Pous Eugenius IV kroon keiser Sigismund van die Heilige Romeinse Ryk.
• 1462 – Pous Pius II stel Johann van Eych, biskop van Eichstatt aan as kardinaal.
• 1492 – Die Heilige Lans word plegtig deur Pous Innocentius VIII in Rome ontvang.
• 1503 – Pous Alexander VI stel nog nege kardinale aan waaronder sy familielid Francisco Lloris y de Borja.
• 1523 – Pous Adrianus VI verklaar Sint Antonius van Florence en Sint Benno heilig.
• 1653 – Pous Innocentius X publiseer die bul Cum Occasione waarin die Jansenisme veroordeel word.
• 1655 – Pous Alexander VII verklaar Ferdinand III van Kastilië salig.
• 1721 – Pous Innocentius XIII verklaar Jan Nepomucky salig.
• 1899 – Pietersburg (nou Polokwane) se spoorwegverbinding na Pretoria word ingewy.
• 1899 – Die Bloemfontein-konferensie begin.
• 1900 – Tweede Vryheidsoorlog: Johannesburg oorgegee aan die Britte toe Dr Friederick Krause, die militêre kommandant van die Witwatersrand, die sleutels van die stad aan Veldmaarskalk Lord Roberts oorhandig het.
• 1902 – Tweede Vryheidsoorlog: Die oorlog kom tot 'n einde met die onderteken van die Vrede van Vereeniging.
• 1904 – Rhodes-universiteit kom deur 'n parlementswet as universiteitskollege tot stand.
• 1910 – Die Unie van Suid-Afrika word deur die samesmelting van die vier voormalige Britse kolonies Kaapkolonie, Natal, Oranjerivierkolonie en Transvaalkolonie gevorm. Herbert John Gladstone word die eerste Goewerneur-generaal en Louis Botha die eerste Eerste Minister.
• 1916 – Eerste Wêreldoorlog: Die Slag van Jutland vind plaas.
• 1928 – Nuwe Vlag van Suid-Afrika (oranje-wit-blou) word vir die eerste keer gehys en Die Stem van Suid-Afrika word vir die eerste keer in die openbaar gesing.
• 1961 – Die Republiek van Suid-Afrika kom tot stand, Suid-Afrika verlaat die Britse Statebond en die geldeenheid verander van die Britse pond na die Rand.
• 1974 – Sirië en Israel teken 'n onttrekkingsverdrag om die Jom Kipoer-oorlog te beëindig.
• 1994 – Suid-Afrika tree weer tot die Britse Statebond toe.
• 2003 – Air France staak alle Concorde-vlugte ná 'n noodlottige ramp naby die Paryse lughawe.
• 2015 – Gift Kelehe en Caroline Wöstmann wen die mans en vroue wedrenne in die Comrades onderskeidelik, die eerste keer in 23 jaar dat Suid-Afrikaners beide die wedrenne wen.

Geboortes

• 1557 – Fjodor I van Rusland, tsaar van Rusland († 1598).
• 1857 – Achille Ratti (Later Pous Pius XI), die 259ste pous van die Rooms-Katolieke Kerk († 1939).
• 1913 – W.E.G. Louw, Afrikaanse digter († 1980).
• 1924 – T.T. Cloete, Afrikaanse digter en letterkundige († 2015).

Sterftes

• 1809 – Franz Joseph Haydn, Oostenrykse komponis (* 31 Maart 1732)
• 1969 – Tom Naudé, Suid-Afrikaanse politikus en waarnemende Staatspresident van Suid-Afrika (1967–1968) (* 1889).

Vakansies, vierings en waarnemingsdae

• Uniedag (1910-1960)
• Republiekdag (1961-1994)
• Internasionale Geenrookdag