Bierbrood

Bierbrood is 'n eenvoudige tipe brood wat gebaseer is op die beginsel dat die maak van bier en brood beide berus op die omskepping van suiker in koolstofdioksied en alkohol deur gis. In die geval van brood, word die alkohol in die bakproses afgekook.

Bierbrood kan eenvoudig uit meel, brood en suiker gemaak word, maar as 'n bykomende rysmiddel (bv. koeksoda of suiker en gis) nie bygevoeg word nie, sal die brood swaar en dig wees, maar is dan wel stewiger, en verloor minder vog as dit te lank gebak word. Die enigste uitwerking is dan gewoonlik 'n dikker kors. Bruismeel kan ook gebruik word, aangesien dit 'n mengsel van meel en rysmiddel is.

Verskillende tipes bierbrood kan gemaak word deur verskillende tipes bier te gebruik: 'n stout of donker bier lewer byvoorbeeld 'n donkerder brood met 'n swaarder geur. 'n Gegeurde bier verleen ook van sy geur aan die brood.

Eksterne skakels

Allrecipes - Resep
Food Network - Beer Bread Geargiveer 4 April 2009 op Wayback Machine