Bier

in Wikipedia, die vrye ensiklopedie
Spring na: navigasie, soek
Baltas-bier van die Litause Švyturys-brouery
Verskillende soorte bier

Bier is die wêreld se oudste alkoholiese drankie en die derde gewildste drankie na water en tee. Dit word geproduseer deur die brou en gisting van stysel, hoofsaaklik vanaf graangewasse. Die algemeenste graan wat gebruik word is gars, alhoewel koring, mielies en rys ook in baie gebiede gebruik word. Baie biere word met hops gegeur, wat die drankie sy bitter smaak gee en ook as 'n natuurlike preserveermiddel dien. Ander geurmiddels soos kruie en vrugte word ook soms bygevoeg. Alkoholiese drankies wat gedistilleer word na die gisting, of drankies afkomstig van die gisting van bronne anders as stysel (soos druiwe of heuning), word nie as bier geklassifiseer nie.

Bier het oor die algemeen 'n alkoholinhoud van 4% tot 6%, alhoewel biersoorte met 'n alkoholinhoud tussen 1% en 20% aangetref word.

Biersoorte[wysig]

Alle biere val in een van die drie hooftipes:

  • Tradisionele bier - wat nie van hops gebruik maak nie, en ongefilterd is - die gis bly deel van die bier.
  • Aal - tydens fermentasie dryf die gis bo die bier. Oorspronklik het ale nie hops gebruik nie.
  • Lager - tydens fermentasie dryf die gis aan die onderkant van die fermentasie houers [1]

Tradisionele bier[wysig]

Tradisionele biere is reeds in die tyd van die piramides omskryf, maar is lank voor dit in huise reg deur Afrika en die wêreld gebrou.

Die bier is gemaak van sorghummout of milletmout, en gewoonlik ander ongemmoute grane soos mielies. Die voordeel van hops is nog nie in die tye ontdek nie, en is dus nie gebruik nie.

Umqombothi is 'n goeie voorbeeld van die soort bier.

Aal[wysig]

Ale is gebrou voordat die brouers instrumentasie gehad het om die proses fyn te beheer, as gevolg daarvan is daar verskeie effekte op die finale produk, soos hoër kleur en vrugtige smake. Ale verskil van tradisionele biere deurdat die stysel heeltemal omgesit is na suikers en dus is die bier gewoonlik helderder.

Die gis wat vir fermentasie gebruik word, fermenteer teen temperature van 18 °C tot 20 °C. Alhoewel aalgis tydens fermentasie aan die bo kant van die fermentasie houer dryf, daal die gis na onder na fermentasie en kan in 'n daaropvolgende brou gesit word. [2]

As gevolg van die hoër temperature van gisting word meer esters gevorm, en dit veroorsaak dat ale 'n meer vrugtige smaak het.

Alhoewel die meeste ale in Brittanje en België voorkom, is daar ook Duitse ale soos Altbier.

Lager[wysig]

Lagerbiere het met die industriële revolusie en die ontwikkeling van prosesbeheer uit die aal-bierstyle ontwikkel. Die eerste goudgekleurde biere is in die dorp van Pilsen in die Tsjeggiese Republiek deur Josef Grol in 1842 gebrou.

Die bier maak gebruik van minder gemodifiseerde garsmout om die ligte kleur te gee. Gisting vind teen laer temperature plaas om minder esters te laat vorm.

Verwysings[wysig]