Blou Curaçao

in Wikipedia, die vrye ensiklopedie
Jump to navigation Jump to search
Curaçao is geen beskermde drank van 'n spesifieke geografiese oorsprong nie. So val 'n reeks lemoenlikeure, wat dwarsoor die wêreld gedistilleer word, in hierdie kategorie
Blou Curaçao word verkry deur die byvoeging van 'n kleurstof, Patent Blou V (E131) of Briljantblou FCF (E133)

Blou Curaçao [kyʀaˈsaːo], soms ook Triple Sec genoem, is 'n sambreelterm vir 'n reeks likeure met lemoensmaak wat 'n blou kleurstof (E131 of E133) bevat. Die naam is ontleen aan die Nederlandse eiland Curaçao, geleë in die Karibiese See langs die kus van Venezuela, waar die alkoholiese drank vir die eerste keer gestook is. Oorspronklik is die skille van laraha, 'n bitterlemoensoort wat inheems is aan die eiland, gebruik om aan Blou Curaçao sy kenmerkende lemoensmaak te gee. Die term Triple Sec verwys na likeure met 'n hoër alkoholgehalte.

Die distilleerdery Senior & Co. op Curaçao maak aanspraak daarop dat dit Blou Curaçao volgens die oorspronklike resep van 1896 in 'n historiese koperstookketel distilleer.[1]

Blou Curaçao is - saam met wit rum, pynappelsap en Cream of Coconut - een van die bestanddele van Blue Hawaii, 'n gewilde tiki-styl-skemerkelkie.

Lees ook[wysig | wysig bron]

Verwysings[wysig | wysig bron]