Bloublasie

in Wikipedia, die vrye ensiklopedie
Jump to navigation Jump to search
Bloublasie
'n Bloublasie wat op 'n strand in Australië uitgespoel het.
Wetenskaplike klassifikasie
Koninkryk: Animalia
Filum: Cnidaria
Klas: Hydrozoa
Orde: Siphonophora
Familie: Physaliidae
Genus: Physalia
Spesie: P. utriculus
Binomiale naam
Physalia utriculus
(La Martinière, 1787)
'n Bloublasie wat in die water dryf.

Die Bloublasie (Physalia utriculus), ook bekend as die "(Indo-Pacific) Portuguese man o' war", is 'n ongewerwelde dier met giftige tentakels wat in die see voorkom aan die hele kuslyn van Suid-Afrika sowel as in ander tropiese en sub-tropiese water.

P. utriculus word ondersky van die Atlantiese "Portuguese Man o' War" (Physalia physalis) deur sy kleiner blasie (ses duim invergelyking met twaalf) en het 'n enkele lang tentakel. P. utriculus verskyn gereeld in swerms.

In teenstelling met sy voorkoms is die Bloublasie nie 'n gewone jellievis nie, maar 'n siphonophore, wat nie 'n enkele organisme is nie, maar 'n kolonie van klein gespesialiseerde enkelinge wat zooids genoem word. Hierdie zooids is aanmekaar verbind en geintegreerd sodat hulle nie onafhanklik kan bestaan nie.

Voorkoms[wysig | wysig bron]

Die blasie is ongeveer 5 cm lank en die tentakels word tot 10 m lank uitgestrek of 30 cm lank wanneer dit opgekrul is.

Habitat[wysig | wysig bron]

Die Bloublasie dryf op die oppervlak van die water. Die tentakels is gewapen met netels wat gebruik word om die prooi te verlam. Dit veroorsaak pynlike brandwonde en die sap van die suurvy verlig die pyn.

P. utriculus is minder versprei as die groter P. physalis, maar is die mees-algemene spesie op die Australiaanse kus. Dit word ook gevind in die water om Hawaii, waar dit genoem word ‘ili mane‘o of "palalia".

Trivia[wysig | wysig bron]

Die Bloublasievis (Nomeus gronovii) bly in 'n simbiotiese verhouding met bloublasies.

Bron[wysig | wysig bron]