Boeing P-26

in Wikipedia, die vrye ensiklopedie
Jump to navigation Jump to search
Boeing P-26
Peashooter.arp.750pix.jpg
Tipe Vegvliegtuig
Vervaardiger Boeing
Nooiensvlug 20 Maart 1932
Onttrek 1956 (Guatemala)
Status Onttrek
Hoofgebruikers United States Army Air Forces
Chinese Lugmag
Fillipynse Lugmag
Guatemala Lugmag
Aantal gebou 151

Die Boeing P-26 is 'n monovlerk vegvliegtuig, vervaardig deur Boeing en die eerste wat geheel en al uit metaal gebou is in Amerika. Dit was ook die laaste Amerikaanse vegvliegtuig wat 'n oop kajuit en vaste onderstel gehad het. Die vliegtuig was bekend as die Peashooter.

Ontwikkeling[wysig | wysig bron]

Boeing het die vliegtuig ontwerp rondom die Pratt and Whitney R-1340 stermotor. Die eerste prototipe is gebou in net nege weke en het in Maart 1932 sy nooiensvlug voltooi te Wright Field. Sy top snelheid was 365 km/h wat 20% beter was as die Boeing P-12 wat dit vervang het. Die United States Army Air Forces het in Januarie 1933 'n bestelling geplaas vir die vliegtuig, dit was op daardie stadium die grootste ooit vir 'n Amerikaanse militêre vliegtuig.

Toe die eerste vliegtuie afgelewer is in 1934 was daar reeds opgraderings aangebring wat die vlieënier se kopbeskerming insluit. Die rede hiervoor was omrede van die eerste modelle vooroor gerol het tydens die landing en van die vlieëniers gesterf het in die proses. Die vliegtuig was gewild onder die vlieëniers omrede dit maklik gevlieg en gevoelig was. Dit was die United States Army Air Forces se vinnigste vliegtuig tot in 1938 en was eers in 1942 uit diens gestel in Amerika.

Die vliegtuig was ook uitgevoer na verskeie lande. Sy hoë landingspoed van 117 km/h was egter 'n beperkende faktor veral op ongelyke vliegvelde. Verdeelde klappe is geinstalleer om die landingspoed te verminder. In September 1934 is tien eenhede afgelewer te China. In die volgende jaar het hulle in gevegte teen die Japannese Magte deelgeneem. Van die United States Army Air Forces se gebruikte vliegtuie is na Guatemala uitgevoer waar hulle in diens gebly het tot in 1955.

Tegniese besonderhede[wysig | wysig bron]

Besonderhede van die Boeing P-26A:
Item Statistiek
Aantal motors 1
Tipe motor Skroef
Vervaardiger Pratt & Whitney negesilinder stermotor
Kraglewering per motor 500 perdekrag
Vlerkspan 8,52 m
Lengte 7,26 m
Hoogte 3,17 m
Vlerkoppervlakte 13,89 m2
Maksimum opstygmassa 1 366 kg
Maksimum snelheid 365 km/h
Operasionele hoogte 8 350 m
Togafstand 579 km
Klimvermoë 719 m per minuut
Bewapening Twee gesinchroniseerde 7,62 mm masjiengewere langs kante van neus

Sien ook[wysig | wysig bron]

Bron[wysig | wysig bron]