Bogenfels
.jpg)
_detail_bogen-fels.png)
Bogenfels is 'n merkwaardige rotsboog aan die kus van Namibië. Die oorsprong van die naam kom vanaf die Duitse woord vir 'rotsboog'.[1]
Ligging[wysig | wysig bron]
Hierdie unieke natuurmonument lê op 27° 28'S, ongeveer 95 km suid van Lüderitz en 32 km suid van Pomona. Dit is een van die vele plekke in die Sperrgebiet waar diamante voorkom. Die hoogste punt van die boog is 55 m bo seevlak, dit staan met een voet in die Atlantiese Oseaan en die ander in die sand van die Namibwoestyn en is opgebou uit harde dolomiet en sagte skalie.
Die boog is moeilik bereikbaar. Dit is afgeleë, lê in barre woestyngebied en boonop in 'n gebied waar diamante ontgin word en toegang dus streng beheer word. Vanuit Lüderitz vind daar soms begeleide uitstappies na die gebied plaas.
Dorpie[wysig | wysig bron]
Na die ontdekking van diamante het daar 'n nedersetting ontwikkel. Na 1950 is dit ontruim en het dit tot spookdorp verval. Op 'n sekere stadium was dit die eindpunt van 'n smalspoorlyn vanaf Kolmanskop.
Posseëls[wysig | wysig bron]
In 1931 en 1996 het Suidwes-Afrika en Namibië posseëls uitgegee met 'n illustrasie van Bogenfels.
Koördinate: 27°27′38″S 15°23′31″O / 27.46056°S 15.39194°O
Verwysings[wysig | wysig bron]
- ↑ Cassidy, Joseph (2009). Place Names of Namibia A Historical Dictionary. Windhoek: Macmillan Education Namibia Publishers (Pty) Ltd. p. 1. ISBN 978-99916-0-654-5.