Bolsjoi-teater, Sint Petersburg
- Hierdie artikel handel oor die destydse teater in Sint Petersburg. Vir die teater in Moskou, sien Bolsjoi-teater.
Koördinate: 59°55′33″N 30°17′53″O / 59.92583°N 30.29806°O
deur Benjamin Patersen.
Die Sint Petersburg Keiserlike Bolsjoi-Kamenni-teater (Die Groot Steenteater van Sint Petersburg, Russies: Большой Каменный Театр) was 'n teater in Sint Petersburg.
Dit is in 1783 gebou volgens 'n neoklassieke ontwerp van die argitek Antonio Rinaldi, as die Kamenni (d.i. Steen) -teater; Giovanni Paisiello se opera Il mondo della luna is opgevoer tydens die opening van die teater op 24 September.[1] Dit is in 1802 herbou volgens 'n ontwerp van Thomas de Thomon, en hernoem as die Bolsjoi, maar het in 1811 afgebrand.[1] Die gebou is in 1818 gerestoureer en tussen 1826 en 1836 deur Alberto Cavos gewysig om meer moderne masjinerie te akkommodeer.[1]
Die Bolsjoi-Kamenni-teater het tot 1886 gedien as hoofteater van beide die Keiserlike Ballet en die Keiserlike Russiese Operageselskap.
In 1886 is die gebou as onveilig verklaar. Die teaterbestuurder, Ivan Vsevolozhsky, het die ballet- en operageselskappe na die Keiserlike Mariinski-teater verskuif, waar hulle vandag nog gehuisves word. Die Keiserlike Bolsjoi-Kamenni-teater is gesloop om plek te maak vir die Sint Petersburgse Konservatorium.
Noemenswaardige premières[wysig | wysig bron]
Operas
- 'n Lewe vir die Tsaar (1836) – Mikhail Glinka
- Ruslan en Lyudmila (1842) – Mikhail Glinka
- La forza del destino (1862) – Giuseppe Verdi
Ballette
- Die Farao se Dogter (1862) – choreografie deur Marius Petipa; musiek deur Cesare Pugni
- Die Natuurskoon van Libanon, of Die Berggees – choreografie deur Marius Petipa; musiek deur Cesare Pugni.
- Die Klein Boggelrugperdjie (1864) – choreografie deur Arthur Saint-Léon; musiek deur Cesare Pugni
- La Bayadère (1877) – choreografie deur Marius Petipa; musiek deur Ludwig Minkus
Verwysings[wysig | wysig bron]
- ↑ 1,0 1,1 1,2 "Mariinsky Theatre: History of the Theatre". Mariinski-teater. Besoek op 28 Desember 2016.
Bronne[wysig | wysig bron]
- Benois, Alexandre: Reminiscences of the Russian Ballet (Londen, Wyman & Sons, 1941)
