Bosluisbytkoors

in Wikipedia, die vrye ensiklopedie
Spring na: navigasie, soek
Rickettsia conorii-bakterieë.

Bosluisbytkoors (of bosluiskoors) is 'n siekte wat deur die organisme ricketsia conori veroorsaak word en deur klein rooibruin bosluise oorgedra word. Die natuurlike gashere van die siekte is klein soogdiere soos jakkalse en hase. In die VSA kom 'n soortgelyke siekte voor nl. die "Rocky Mountain spotted fever".

Verspreiding[wysig | wysig bron]

Die siekte kom in alle soorte bosveld voor waar bosluise voorkom. Dit is dus baie wyer verspreid as malaria. Daar is egter groot geografiese gebiede waar die siektes se voorkoms mekaar oorvleuel.

Simptome[wysig | wysig bron]

Die simptome van bosluiskoors en malaria is baie soortgelyk. Bosluiskoors is egter selde dodelik. Sewe dae nadat die persoon deur 'n besmette bosluis gebyt is, begin die simptome van hoofpyn en soms ook 'n rooi uitslag. Daar is gewoonlik 'n tipiese bytwond sigbaar nl. 'n opgehewe, pynlike rooi area op die vel met 'n swart kol in die middel.

Persone wat gereeld aan die siekte blootgestel word ontwikkel dikwels immuniteit daarteen.