Bosluis

in Wikipedia, die vrye ensiklopedie
Spring na: navigasie, soek
Bosluis
Wetenskaplike klassifikasie
Koninkryk: Animalia
Filum: Arthropoda
Subfilum: Chelicerata
Klas: Arachnida
Subklas: Acarina
Superorde: Parasitiformes
Orde: Ixodida
Superfamilie: Ixodoidea
Diversiteit
18 genera, ± 900 spesies
Families

Ixodidae
Argasidae
Nuttalliellidae

'n Bosluis is 'n klein uitwendige parasiet wat tot die superfamilie Ixodoidea behoort. Hulle is verwant aan spinnekoppe en behoort saam met hulle tot die klas Arachnida. Bosluise lewe van die bloed van gewerwelde diere: hulle byt vas aan die vel van 'n mens of huid van 'n dier deur hulle haakvormige tande waar hulle dan ure of selfs dae van sy gasheer se bloed kan drink. Hulle kan ook verskeie ernstige siektes soos tifuskoors, loopgraafkoors, Rocky Mountain-koors, vlektifus en Lyme-siekte oordra.

'n Bosluis se byt is meestal nie pynlik nie, inderdaad, mens voel dit gewoonlik glad nie en sal 'n bosluis slegs opmerk wanneer dit op die vel raakgesien word. Verskeie soogdiere, reptiele en voëls is dikwels die teiken van bosluise.

'n Wyfie kan meer as 20 000 eiers op 'n slag lê as sy haar vol bloed gedrink het.

Bosluisbyte[wysig]

Indien 'n bosluis met die vingers afgetrek word, is daar 'n gevaar dat ('n gedeelte van) die kop in die wond kan agterbly. Indien 'n olierige stof, soos petroleumjellie, op die bytplek aangebring word, sal die bosluis sy byt verslap, wat dit makliker maak om af te trek. Bytplekke moet altyd goed onstmet word en, indien daar tekens van koors of infeksie is, moet 'n dokter geraadpleeg word.

Bronnelys[wysig]

  • Bosluise in Wêreldspektrum, volume 23. 1983 Ensiklopedie Afrikana: (EDMS) BPK.
  • Olivier, W. (2003). Staproetes in Suid-Afrika. Geïllustreerde uitgawe. Struik Uitgewers. ISBN 1868727890, 9781868727896