Bougainville
| Bougainville | |
|---|---|
 Nasa-Satellietbeeld van die Berg Balbi op Bougainville | |
| Geografie
| |
| Ligging | Melanesië, Stille Oseaan |
| Koördinate | 6°10′S 155°15′O / 6.167°S 155.250°OKoördinate: 6°10′S 155°15′O / 6.167°S 155.250°O |
| Argipel | Salomonseilande
|
| Oppervlakte | 9 318 vk km |
| Hoogste punt | Berg Balbi 2 715 m |
| Administrasie | |
 Papoea-Nieu-Guinee
| |
| Provinsie |  Outonome streek Bougainville
|
| Demografie | |
| Bevolking | 234 280
|
Bougainville (Engels: Bougainville Island) is die grootste en mees noordwestelike eiland binne die (geografiese) Salomonseilande en behoort (polities) tot die eilandnasie Papoea-Nieu-Guinee. Die eiland is net oos van Nieu-Brittanje en net noordwes van die Salomonseilande geleë en maak deel uit van Melanesië. Dit vorm sedert 2000 die enigste outonome streek binne Papoea-Nieu-Guinee. Bougainville het 'n bevolking van 234 280 in 2011 gehad en het 'n oppervlakte van 9 318 km². Die eiland skei die Salomonssee in die suidweste van die oop Stille Oseaan in die noordooste.
Die eiland is in 1768 deur die Franse ontdekkingsreisiger Louis Antoine de Bougainville vir Europa ontdek en ná homself genoem. Vanaf 1899 tot 1919 was die eiland deel van die Duitse kolonie Duits-Nieu-Guinee (Deutsch-Neuguinea). Die kolonie is tydens een van die eerste veldslae tydens die Eerste Wêreldoorlog op 11 September 1914 deur Australiese magte aangeval en verower. Tussen 1920 en 1949 is die gebied deur Australië as 'n volkebond-mandaat bestuur, terwyl die plaaslike bevolking vir 'n vereniging met die Salomonseilande gevra het. Tydens die Tweede Wêreldoorlog is Bougainville in 1942 deur Japannese magte aangeval en tot 1943 beset. In 1949 is die gebied deur die Verenigde Nasies tot 'n Trustgebied verklaar en nog tot 1975 deur Australië bestuur. Op 16 September 1975 het die eiland deel van die onafhanklike Papoea-Nieu-Guinee geword. Net vier dae vroeër is die Republiek van die Noordelike Salomonseilande uitgeroep, maar geen internasionale erkenning verkry nie en in 1976 met verhoogde selfbestuursmagte by Papoea-Nieu-Guinee ingelyf. In 1988 het 'n burgeroorlog uitgebreek, wat in 1998 deur Nieu-Seelandse bemiddeling beëindig is en 'n Vredesmoniteringsgroep onder leiding van Australië is ná Bougainville gestuur.[1] Tot die jaar 2020 is 'n referendum oor die onafhanklikheid van Papoea-Nieu-Guinee beplan.
Sien ook[wysig | wysig bron]
Verwysings[wysig | wysig bron]
- ↑ "Bougainville Island" (in Engels). Encyclopædia Britannica. Geargiveer vanaf die oorspronklike op 20 Februarie 2020. Besoek op 1 Augustus 2017.
Eksterne skakels[wysig | wysig bron]
Wikimedia Commons het meer media in die kategorie Bougainville.
