Boy George

in Wikipedia, die vrye ensiklopedie
Jump to navigation Jump to search
Boy George
Boygeorge pacha brasil ariadne.JPG
Boy George
GeboortenaamGeorge Alan O'Dowd
Geboorte14 Junie 1961 (1961-06-14) (58 jaar oud)
Eltham, Londen
Beroep(e)Sanger
Genre(s)Popmusiek
Instrument(e)Stem
Aktiewe jare1978-hede
Webwerfboygeorgeuk.com
Portal.svg Musiekportaal

Boy George (1961-) is ’n Britse popsanger en liedjieskrywer wat in die vroeë 1980’s saam met die groep Culture Club sukses behaal het. Hy was bekend vir sy androgene voorkoms met 'n groot hoed, los klere en baie grimering wat hy gedra het. Onder sy treffers tel Do You Really Want to Hurt Me? en Karma Chameleon.[1] Sy dwelmverslawing was byna noodlottig in 1986, waarna hy dit afgesweer het.

Lewensloop[wysig | wysig bron]

George Alan O'Dowd is op 14 Junie 1961 in Eltham, Londen gebore. Hy het in 'n groot Ierse werkersklas-familie grootgeword.

In die 1980's verwerf hy bekendheid as die hoofsanger van die musiekgroep Culture Club. Hy lewer sy grootste treffers saam met die groep, waaronder Do You Really Want to Hurt Me?, Time en Church Of The Poison Mind. Sy enkelspeler van 1983, Karma Chameleon, het die bes verkoopte snit in lande soos Engeland geword.

Ná die aanvang van sy solo-loopbaan was hy vir 'n tyd die leier van die Jesus Loves You-groep, waarna hy sy sololoopbaan voortgesit het. Hy bring die meeste van sy album as solo-kunstenaar uit, met verskeie treffers, waarvan Everything I own uit 1987 die grootste was.

Hy was ook 'n professionele platejoggie (DJ) en het 'n reeks gemengde musiek-albums uitgebring. Hy het ook saam met verskeie kunstenaars gewerk, insluitende Antony and the Johnsons, Faithless, Sash! en Erick Morillo.

In 2009 het hy vier maande van 'n vyftien-maande vonnis vir die aanranding en gevangehouding van 'n manlike metgesel uitgedien.

Sy eerste biografie, Take It Like a Man is deur Spencer Bright geskryf en in 1995 deur Harper Collins gepubliseer. Dit was 'n topverkoper in die Verenigde Koninkryk gewees. Sy tweede biografie, Straight is deur Paul Gorman geskryf en in 2005 deur Century gepubliseer.

Diskografie[wysig | wysig bron]

Boy George in 2013

Albums[wysig | wysig bron]

Geen kompilasie-albums is in die lys ingesluit nie.
  • Sold (1987)
  • Tense Nervous Headache (1988, nie in die VSA.)
  • Boyfriend (1989, nie in die VSA)
  • The Martyr Mantras (as Jesus Loves You) (1990)
  • Cheapness and Beauty (1995)
  • The Unrecoupable One Man Bandit (1998)
  • U Can Never B2 Straight (2002)
  • Yum Yum (as The Twin) (2004)
  • Ordinary Alien (2010)
  • This Is What I Do (2013)

Enkelspelers[wysig | wysig bron]

Slegs enkelspelers wat onder die naam Boy George uitgebring is en relatief gemaklik verkrygbaar is word hier gelys.
  • Everything I Own (1987)
  • Keep Me in Mind (1987)
  • Sold (1987)
  • To Be Reborn (1987)
  • Live My Life (1987)
  • No Clause 28 (1988)
  • Don't Cry (1988)
  • Don't Take My Mind on a Trip (1989)
  • You Found Another Guy (1989)
  • The Crying Game (1992)
  • Sweet Toxic Love (1992)
  • Funtime (1995)
  • Il Adore (1995)
  • Same Thing in Reverse (1995)
  • Yes We Can (2008)
  • Somebody to Love Me (2011)
  • King Of Everything (2013)

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]