Brahma

in Wikipedia, die vrye ensiklopedie
Brahma
'n Brahmabeeld by 'n tempel in Halebidoe
'n Brahmabeeld by 'n tempel in Halebidoe
Devanagari ब्रह्मा
Affiliasie Deva, Trimurti
Woonplek Brahmapura
Metgesel Saraswati en Ghayatri
Rydier Swaan

Brahma (Sanskrit: ब्रह्मा brahmā) is die Hindoegod (of deva) van die skepping. Hy is saam met Vishnu en Shiva een van die drie hoofgode van die Hindoegeloof (die sogenaamde Trimurti of drie-eenheid). Brahma se metgesel is Saraswati, die godin van lering. Brahma word ook dikwels met Prayapati, 'n Vediese godheid, vereenselwig.[1]

Volgens Hindoetradisie het Brahma vyf koppe gehad. Die mitologiese verhaal meld dat Shiva een van Brahma se koppe afgesny het. Die vier koppe van Brahma verteenwoordig talle aspekte van Hindoeïsme, soos die vier Vedas, of heilige Hindoegeskrifte. Dit verteenwoordig ook die vier siklusse van tyd in Hindoeïsme, die yugas, asook die vier indelings van die Hindoesamelewing, die vier varnas.

'n Ingekleurde gravure van Brahma.

Brahma moenie verwar word nie met die opperste Kosmiese Gees in die Hindoe-Veda-filosofie, wat as Brahman bekendstaan.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]