Branderplankry

in Wikipedia, die vrye ensiklopedie
'n Branderplankryer durf die golwe aan.

Branderplankry is 'n watersport wat meestal in die oseaan of see plaasvind. Die branderplankryer gebruik 'n branderplank om 'n golf te vang en om daarop te ry in die rigting van die strand.

Branderplankryery is ongeveer 4 000 jaar gelede deur die Polinesiërs uitgevind. In Suid-Afrika word die sport onder meer in Jeffreysbaai, die Kaapstadse voorstad Muizenberg en in Durban beoefen.

Aangesien die sport in die warm son, wind en weer langs die strand beoefen word, is meeste branderplankryers se liggame goud- tot donkerbruin gebrand (indien nie erger verbrand nie). Hulle kan dadelik tussen ander strandgangers uitgeken word aan hulle los, deurmekaar hare en gemaklike (Engels: easy-going) lewensstyl op die sand.

Meeste ryers arriveer alleen by 'n betrokke branderstrand, soms in 'n ou motor of "beach buggie" met 'n branderplank of twee op die dak vasgemaak, waarna die golwe eers van die duine af bekyk word. Kort voor lank vind mens ses tot agt deelnemers saam in die water, waar hulle op 'n goeie golf wag om uit te ry strand toe op die branderplank.

Later in die middag, na 'n rits golfrye, kom 'n groepie mense bymekaar (gewoonlik saam met hulle vriende of familie wat nie branderry nie), en hou 'n ontspanne piekniek of braai op die strand waar hulle heeldag was.

Sien ook[wysig | wysig bron]

Hierdie artikel is in sy geheel of gedeeltelik vanuit die Eenvoudige Engelse Wikipedia vertaal.