Polinesië

Polinesië se geografiese omvang

Ligging van Polinesië

Kaart van Polinesië

Die Polinesiese Driehoek met Hawaii, Rapa Nui (Paaseiland) en Nieu-Seeland as hoekpunte

Migrasie van die Polinesiese volke vanaf Taiwan tot die Polinesiese Driehoek

Lande en gebiede van Polinesië:

   Onafhanklike lande

   Afhanklike gebiede

Polinesië (afgelei van Grieks: πολύς polys vir "baie" en νῆσος nêsos vir "eiland", letterlik: "baie eilande") is 'n eilandgroep in die Stille Oseaan in die gebied Oseanië en lê tussen die Amerikas in die ooste, Asië in die noordweste en Australië in die suidweste. Polinesië beslaan 'n oppervlakte van 50 miljoen km² en het 'n bevolking van sowat tien miljoen. Polinesië lê in die Polinesiese Driehoek met die drie hoekpunte Hawaii in die noorde, Paaseiland in die ooste en Nieu-Seeland in die weste. Melanesië, Mikronesië en Polinesië vorm saam Oseanië.

Die streek bevat vier onafhanklike eilandnasies: Nieu-Seeland, Samoa, Tonga en Tuvalu. Nieu-Seeland is volgens beide oppervlakte en bevolking die grootste land in Polinesië en beslaan sowat 90% van Polinesië se landoppervlakte. Die grootste eilande van Polinesië is Nieu-Seeland se twee hoofeilande Noordeiland en Suideiland, asook Hawaii, die hoofeiland van die gelyknamige Amerikaanse deelstaat.

Die term Polinesië (in Frans: Polynésie) is in 1832 vir die eerste keer deur Jules Dumont d'Urville gebruik om in etniese en geografiese opsig na 'n eilandgroep te verwys wie se inwoners, volgens hom, van dié van Melanesië en Mikronesië verskil. Die onderskeiding is later as foutief bewys, aangesien al drie gebiede deur inheemse Austronesiese volke bewoon word wat Austronesiese tale besig. Die subgroep wat in Polinesië gepraat word, word Polinesiese tale genoem.

Ligging	Vlag	Land	Hoofstad	Oppervlakte (km²)	Bevolking
		Amerikaans-Samoa (Verenigde State)	Pago Pago	199	65 628
	–	Baker-eiland (Verenigde State)	–	1,64	–
		Cookeilande (Nieu-Seeland)	Avarua	240	19 569
		Frans-Polinesië (Frankryk)	Papeete	4 167	259 706
		Hawaii (Verenigde State)	Honolulu	16 649	1 360 301
	–	Howland-eiland (Verenigde State)	–	1,84	–
	–	Jarvis-eiland (Verenigde State)	–	4,5	–
		Johnston-atol (Verenigde State)	–	2,67	–
	–	Kingman-rif (Verenigde State)	–	60	–
		Midway-atol (Verenigde State)	–	6,23	–
		Nieu-Seeland	Wellington	268 680	4 383 000
		Niue (Nieu-Seeland)	Alofi	260	1 398
		Paaseiland (Chili)	Hanga Roa	163,6	4 888
		Palmyra-atol (Verenigde State)	–	3,9	–
		Pitcairneilande (Verenigde Koninkryk)	Adamstown	47	50
		Samoa	Apia	2 831	179 000
		Tokelau (Nieu-Seeland)	–	10	1 416
		Tonga	Nukuʻalofa	748	104 000
		Tuvalu	Funafuti	26	12 373
		Wallis en Futuna (Frankryk)	Matāʻutu	274	13 445

Sien ook

• Polinesiese mitologie

Verdere leesstof

• (en) Kirch, Patrick Vinton (2001). On the Road of the Winds: An Archaeological History of the Pacific Islands Before European Contact. University of California Press. ISBN 978-0-520-92896-1.AS1-onderhoud: ref=harv (link)
• (en) Lal, Brij V.; Fortune, Kate (2000). The Pacific Islands: An Encyclopedia. University of Hawaii Press. ISBN 978-0-8248-2265-1.AS1-onderhoud: ref=harv (link)

Eksterne skakels

• (en) Toerisme-inligting oor Polinesië op Wikivoyage
• (en) "Polynesian culture". Encyclopædia Britannica. Besoek op 14 Mei 2020.

Gebiede van die Wêreld
Afrika Noord (Midde-Ooste)  · Suid van die Sahara (Sentraal · Suider · Wes · Oos) Amerikas Noord · Sentraal · Karibiese Gebied) · Suid · Latyns Asië Sentraal · Oos · Noord-Asië (Verre-Ooste) · Suid (Indiese subkontinent) · Suidoos · Suidwes (Midde-Ooste)  · Wes Europa Sentraal · Noord · Suid · Wes · Oos	Oseanië Australasië (Australië · Seeland) · Melanesië · Mikronesië · Polinesië Poolgebiede Arktika · Antarktika Oseane Arktiese · Atlantiese · Indiese · Stille · Suidelike Seë Oorsig van Seë
Sien ook Kontinente van die wêreld