Brewster F2A Buffalo

in Wikipedia, die vrye ensiklopedie
Spring na: navigasie, soek
Brewster F2A Buffalo
Brewster F2A-3 g16055.jpg
Tipe Vegvliegtuig
Vervaardiger Brewster Aeronautical Corporation
Nooiensvlug 2 Desember 1937
Bekendstelling April 1939
Status Uit diens gestel
Hoofgebruikers Amerikaanse Vloot
Finse Lugmag
Britse Vloot
Vervaardig 1938–1941
Aantal gebou 509

Die Brewster F2A Buffalo was 'n vegvliegtuig wat deur die Amerikaanse Vloot gebruik is tydens die Tweede Wêreldoorlog. Dit was 'n enkelsitplek, enkelmotorige vliegtuig en was die eerste monovlerkvliegtuig van die Amerikaanse Vloot. Van die aanvanklike bestelling van 54 is slegs 11 deur die Amerikaanse Vloot gebruik, die res is aan Finland verkoop. Verdere bestellings is bevredig met die aflewering van die F2A-2 en die swaarder bewapende F2A-3 modelle. Die Amerikaanse Mariene Korps het die vliegtuig onsuksesvol gebruik in die eerste Slag van Midway waar 13 van 19 vliegtuie afgeskiet is.

Bestellings is ook geplaas deur die Britse Lugmag sowel as die Nederlandse Oos-Indies. Nadat bevind is dat die vliegtuig verouder is in Europa, is die meeste van hulle in die Verre Ooste gebruik waar hulle oordonder is deur die Japannese vegvliegtuie. Die Brewster F2A Buffalo se nadele was sy massa, swak hantering en algemene onstabiliteit. Ten spyte hiervan het die Buffalo tog daarin geslaag om 30 vliegtuie af te skiet net voordat Singapoer ingeneem is deur die Japannese. Slegs in Finland kon die Buffalo daarin slaag om gesag af te dwing teen die Sowjet Lugmag tydens die Winteroorlog.

Tegniese besonderhede[wysig | wysig bron]

Besonderhede van die Brewster F2A-3 Buffalo:
Item Statistiek
Aantal motore 1
Tipe motor Skroef
Vervaardiger Wright R-1820-40 Cyclone stermotor, suierenjin
Kraglewering per motor 1 200 perdekrag
Vlerkspan 10,67 m
Lengte 8,03 m
Hoogte 3,68 m
Vlerkoppervlakte 19,41 m2
Maks. opstygmassa 3 247 kg
Maks. snelheid 517 km/h
Operasionele hoogte 10 120 m
Togafstand 1 553 km
Klimvermoë 935 m per minuut
Bewapening Vier 12,7 mm masjiengewere

Sien ook[wysig | wysig bron]

Bron[wysig | wysig bron]