Bridgestone

in Wikipedia, die vrye ensiklopedie
Bridgestone Corporation
Bridgestone logo.svg
Tipe Openbare mpy (Kabushiki gaisha)
Gestig 1931
Hoofkantoor TokioJapan
SleutelpersoneShuichi Ishibashi (HUB)
Gebied bedienWêreldwyd
IndustrieMotorbandvervaardiging
Produktebuitebande vir motorvoertuie
InkomsteGreen Arrow Up Darker.svg ¥3.246 biljard (2021)[1]
BedryfsinkomsteGreen Arrow Up Darker.svg ¥376.799 biljard (2021)[1]
Netto inkomsteGreen Arrow Up Darker.svg ¥307.868 biljard (2021)[1]
Werknemers143 616 (2017)
EienaarIshibashi-familie (10,2%)
Webwerfbridgestone.com

Bridgestone is 'n Japannese motorbandvervaardiger wat in 1931 deur Shojiro Ishibashi gestig is. Die woord "bridgestone" is die Engelse vertaling van Ishibashi wat 'klipbrug' beteken. In 1988 het Bridgestone die Amerikaanse bandvervaardiger Firestone oorgeneem.

Geskiedenis[wysig | wysig bron]

In 1931 is die Bridgestone Tire Co., Ltd gestig deur Shojiro Ishibashi (1906-1976). Meeste fabrieke is tydens die wêreldoorlog vernietig, maar teen 1953 het die jaarlikse verkope van bande 10 miljard jen verbygesteek en Bridgestone was Japan se grootste vervaardiger van lugbande. In 1961 is die maatskappy op die Tokio-aandelebeurs genoteer. Die eerste buitelandse tak is in 1965 in Singapoer geopen en 'n fabriek in Thailand het vier jaar later gevolg. In 1967 is 'n verkoopsorganisasie in die Verenigde State gestig. Die maatskappy het die Japannese motorvervaardigers gevolg toe hulle fabrieke in die buiteland geopen het.

In 1988 het 'n groot oorname van die Firestone Tire and Rubber Company plaasgevind. Pirelli het VS$1,9 miljard vir die Amerikaanse bandvervaardiger aangebied, maar met 'n hoër en suksesvolle bod van VS$2,6 miljard het Bridgestone die tweede grootste bandvervaardiger wêreldwyd geword. Die verkryging het aan Bridgestone fabrieke in Noord- en Suid-Amerika, Europa en in verskeie ander lande gegee. In 1984 is die maatskappy se naam verander na Bridgestone Corporation.

In 2015 het Bridgestone 'n oornamebod van VS$ 835 miljoen vir The Pep Boys gemaak. The Pep Boys het ongeveer 800 winkels en voertuigherstelwinkels en Bridgestone het ongeveer 2 200 plekke in die Verenigde State. In 2014 het The Pep Boys 'n omset van meer as VS$ 2 miljard behaal, waarvan ongeveer 20% uit die verkoop van motorbande. Op 30 Desember 2015 het Bridgestone die verkryging laat vaar nadat Icahn Enterprises 'n hoër bod vir The Pep Boys gemaak het.

Aan die einde van Januarie 2019 het TomTom aangekondig dat Bridgestone die Telematics-afdeling vir €910 miljoen koop. Telematika stel maatskappye in staat om hul vloot op afstand te monitor, insluitend die reisgeskiedenis. Sowat 670 mense werk in dié eenheid.[2][3][4][5][6][7]

Aktiwiteite[wysig | wysig bron]

Die vervaardiging van bande vir passasiersmotors, bakkies en vragmotors is steeds hul belangrikste aktiwiteit. Sowat vyf-sesdes van die omset word met die verkoop van hierdie produkte gerealiseer. Die res word bereik met die verkoop van rubberprodukte vir verskeie toepassings.

Gemeet in ton rubber is produksie die hoogste in die Verenigde State en Japan volg met 'n klein verskil in die tweede plek. Meer as 70% van produksie vind buite Japan plaas. Die maatskappy het in 2016 byna 144 000 personeel in diens gehad. Bridgestone het fabrieke in 26 lande en sy produkte word in 150 lande verkoop.

In 2018 was Bridgestone die grootste bandvervaardiger gemeet aan inkomste. Met verkope van VS $28 miljard het dit Michelin in die tweede plek met verkope van VS$ 26 miljard en Goodyear in die derde plek met VS$ 15 miljard, verbygesteek.

Verwysings[wysig | wysig bron]

  1. 1,0 1,1 1,2 "Bridgestone Corporation Full Year 2021 Consolidated Financial Report" (PDF). bridgestone.com. 31 Desember 2021. Besoek op 5 Mei 2022.
  2. "10 Largest Tire Manufacturers". Verified Market Research (in Engels). 2021-05-20. Besoek op 2021-08-02.
  3. "The Largest Tire Manufacturers in the World (New)". Carlogos.org (in Engels). September 8, 2020. Geargiveer vanaf die oorspronklike op 25 Junie 2020. Besoek op 2021-08-02.
  4. "Leading tyre manufacturers". Tyrepress (in Engels). Geargiveer vanaf die oorspronklike op 14 Februarie 2020. Besoek op 2021-08-02.
  5. "Largest tire manufacturer". Statista (in Engels). Geargiveer vanaf die oorspronklike op 26 Oktober 2016. Besoek op 2021-08-02.
  6. "The World's 15 Largest Tire Manufacturers by Revenue | Market Research Blog". Market Research Reports® Inc. (in Engels). 2018-07-05. Geargiveer vanaf die oorspronklike op 30 April 2021. Besoek op 2021-08-02.
  7. "Bridgestone remains world's largest tire maker, Michelin shaking up rankings". Rubber & Plastics News (in Engels). 2018-08-31. Geargiveer vanaf die oorspronklike op 2 Augustus 2021. Besoek op 2021-08-02.