Brigadeführer

in Wikipedia, die vrye ensiklopedie

Brigadeführer was 'n SS-rang wat in Nazi-Duitsland gebruik is tussen 1932 en 1945. Brigadeführer was ook 'n SA-rang (SA - Sturmabteilung, "Stormafdeling").

Die rang is oorspronklik geskep na aanleiding van die uitbreiding van die Schutzstaffel en toegewys aan die offisiere wat in beheer van die SS-Brigaden was. In 1933 het die SS-Brigaden hulle naam verander na SS-Abschnitte, maar die rang van die Brigadeführer het dieselfde gebly.

Die Brigadeführer is oorpsronklik beskou as die tweede generaal-offisier-rang van die SS en was tussen die range Oberführer en Gruppenführer. Met die groei van die Waffen-SS en die Ordnungspolizei het dit egter verander en is Brigadeführer as die gelyke van 'n generaal-majoor beskou, een rang hoër as 'n Oberst in die Duitse Wehrmacht. Die rang van generaal-majoor was op die tyd die ekwivalent van brigadier-generaal, 'n een-ster Generaal in die United States Army (die leër van die Verenigde State).

Die embleem van die Brigadeführer was oorspronklik twee eikeblare en 'n silwer neut, maar in 1942 is die ontwerp verander na 'n drie eikeblare na aanleiding van die skepping van die rang Oberstgruppenführer.

Brigadeführers het ook die skouerembleem van 'n generaal-majoor gedra en is as sulks na verwys sowel as hul SS-rang (bv. SS-Brigadeführer und Generalmajor der Waffen-SS und Polizei).

Junior Rang
Oberführer
SS-rang en SA-rang
Brigadeführer
Senior Rang
Gruppenführer