Broeiparasiet
'n Broeiparasiet is 'n voël wat haar eiers in die nes van 'n gasheer lê, sodat die gasheer dit uitbroei en ook die kuikens versorg. Die parasiet is op geen manier betrokke by die grootmaak en versorging van die kuikens nie.[1] Die verskynsel kan ook by sommige visspesies voorkom.
Die verskynsel van broeiparasitisme kom veral voor by die volgende spesies: Koekoeke, Heuningwysers, Rooibekkies en paradysvinke.[2]
Soms lê die voël doodgewoon hulle eiers in die nes van een van hulle eie spesie, en ander kere word dit in die nes van 'n totaal ander spesie gelê.
Verwysings[wysig | wysig bron]
- ↑ Maclean, GL. 1990. Ornithology for Africa. Pietermaritzburg: University of Natal Press. ISBN 0-86980-737-4
- ↑ Roberts' Multimedia Birds of Southern Africa, Version 3.3, (sa). Westville: Southern African Birding cc.
