C.K. Johnman

in Wikipedia, die vrye ensiklopedie
Jump to navigation Jump to search

Charlie Johnman (8 Januarie 1913 – 15 Mei 1978) was 'n Afrikaanse dramaturg en senior lektor in Engels aan die Universiteit Stellenbosch.

Lewe en werk[wysig | wysig bron]

Charles Keir Johnman is op 8 Januarie 1913 gebore. Hy was 'n Engels-onderwyser aan Paul Roos Gimnasium op Stellenbosch en later senior lektor in Engels aan Universiteit Stellenbosch. Hy was die regisseur van 'n opvoering van “Dark is not light enough” in Stellenbosch, waarna hy in 1960 die dryfveer was agter die stigting van die Libertas Teaterklub op Stellenbosch. Vir hierdie klub was hy dan ook die regisseur van verskeie opvoerings, insluitend “A Lady Mislaid” in 1961 en “Die Grootkanonne” van Uys Krige in 1962. Hy was voorsitter van hierdie klub vanaf 1960 tot 1978. Na sy aftrede het hy steeds op Stellenbosch gebly. Hy was getroud met Dorothy Radloff, wat op 17 November 1995 oorlede is. Hy is op 15 Mei 1978 oorlede.

Skryfwerk[wysig | wysig bron]

Hy skryf (in samewerking met H.T. van Huyssteen) die drama “Land van belofte” om saam te val met die Hugenote Herdenkingsjaar in 1939. Die wreedaardige geloofsvervolging in Frankryk in die agtiende eeu word met goeie samehang aangebied deur die handeling te sentreer rondom die vriendskap tussen ’n Katolieke en ’n Protestantse edelman. Pierre du Plessis het eenmaal die lewe gered van sy Katolieke vriend Gaston St. Juste, wat dit nie vergeet nie. Pierre word gewond in ’n hinderlaag, waarna Gaston hom oënskynlik gevange neem en daarna laat wegkom. Katharina de Medici gebruik die leuen rondom Pierre se sogenaamde verraad om die swaksinnige koning se toestemming tot die massamoord in Bartholomeusnag te verkry. As gevolg hiervan sien Gaston af van sy politieke aspirasies, help vir Pierre om na die Kaap de Goeie Hoop te vertrek en word self ’n monnik in ’n klooster, waar hy boete doen namens sy land en vir sy eie saligheid. Saam met onder andere F. Smuts en W.D. Malherbe redigeer hy ook die boek “Stellenbosch, our oldest village”, wat in 1975 gepubliseer word. Vir die publikasie van “The journal of Jan van Riebeeck” is hy verantwoordelik vir vertalings in Engels van Jan van Riebeeck se inskrywings in die Dagregister tussen 1659 en 1662.

Publikasies[wysig | wysig bron]

Jaar Publikasies
1939 Land van belofte
1975 Stellenbosch, our oldest village (saam met F. Smuts en W.D. Malherbe)

Bronnelys[wysig | wysig bron]

Boeke[wysig | wysig bron]

  • Dekker, G. “Afrikaanse Literatuurgeskiedenis” Nasou Beperk Kaapstad Elfde druk 1970
  • Kannemeyer, J.C. “Geskiedenis van die Afrikaanse literatuur 1” Academica, Pretoria en Kaapstad Tweede druk  1984
  • Malherbe, F.E.J. “Aspekte van Afrikaanse literatuur” Nasionale Pers Bpk. Kaapstad, Bloemfontein en Port  Elizabeth Eerste uitgawe 1940
  • Nienaber, P.J. et al “Perspektief en Profiel” Afrikaanse Pers-Boekhandel Johannesburg Derde hersiene uitgawe  1969
  • Van Coller, H.P. (red.) “Perspektief en Profiel Deel I” J.L. van Schaik-Uitgewers Pretoria Eerste uitgawe 1998

Internet[wysig | wysig bron]