Cape Cod

Cape Cod en eilande

Cape Cod is 'n skiereiland aan die kus van Massachusetts. Eintlik is dit nou 'n eiland omdat 'n kanaal dit van die vasteland skei. Daar is twee brûe vir padvervoer en een brug vir spoorvervoer oor die kanaal.

Cape Cod beteken Kabeljou Kaap. Die skiereiland het hierdie naam in die vroeë 17de eeu van die Europeërs gekry, toe daar nog geen kolonisasie was nie. Benewens Newfoundland was daar reeds ryk visvangplekke vir kabeljou in die omgewing van Cape Cod. Elke jaar het groot vissersvlote uit Europa gekom om hier vis te vang. Later het sommige vissermanne die hele jaar gebly en hulle op Cape Cod gevestig. Daar is nog kommersiële visvang, maar dit sukkel omdat daar min kabeljou oor is weens oorbevissing. Mariene bioloë vrees selfs dat die kabeljou nie meer hier kan herstel nie.

Toerisme is die hoofbron van inkomste, deels vanweë die uitgebreide sandstrande wat baie vakansiegangers van die naburige New York en Boston in die somer lok.

Bekende produkte van Cape Cod is bosbessies, oesters en kreef.

Galery

• 
  Satellietfoto
• 
  Provincetown
• 
  Newcomb Beach

Bronne

• Brigham, Albert Perry (1920). Cape Cod and the Old Colony. New York: G.P. Putnam's Sons.
• Geologic History of Cape Cod, Massachusetts, by the United States Geological Survey (USGS)