Charles Dutoit

in Wikipedia, die vrye ensiklopedie
Jump to navigation Jump to search
Charles Dutoit
Charles Dutoit (1984) by Erling Mandelmann - 2.jpg
Dutoit dirigeer in 1984
GeboortenaamCharles Édouard Dutoit
Geboorte7 Oktober 1936 (1936-10-07) (83 jaar oud)
Lausanne, Switserland
Beroep(e)Dirigent, pedagoog
Genre(s)Klassiek
Aktiewe jare1957–tans
Portal.svg Musiekportaal

Charles Édouard Dutoit OC GOQ (* 7 Oktober 1936 – ) is 'n Switserse dirigent. In September 2018 is hy aangestel as die hoofdirigent van die Sint Petersburg Filharmoniese Orkes vanaf die 2018-2019 seisoen.

In 2017 word hy die 103de ontvanger van die Koninklike Filharmoniese Genootskap se Gouemedaljeprys.

Dutoit is die voormalige kunsdirekteur en hoof-dirigent van die Koninklike Filharmoniese Orkes, dirigent-emeritus van die NHK Simfonieorkes van Tokio, en was dirigent-laureaat van die Philadelphia Orkes totdat die orkes hom van die titel ontneem het nadat veelvuldige bewerings van seksuele wangedrag aan die lig gekom het.

Hy is die voormalige musiekdirekteur van die Montreal Simfonieorkes en die Franse Nasionale Radio Simfonieorkes, en van 2017 af dirigent emeritus van die Verbier Musiekfeesorkes. Hy is 'n ere-lid van die Ravel-stigting in Frankryk en die Stravinski-stigting in Switserland.

In Desember 2017, nadat bewerings aan die lig gekom het dat Dutoit vier vrouens seksueel aangerand het, het die orkeste wat reeds verbintenisse met hom gehad het vir opvoerings die verbintenisse gekanselleer, en ander het dadelik bande met hom verbreek. Hy het onttrek van sy konserte met die Chicago Simfonieorkes, Cleveland Simfonieorkes en die New York Filharmoniese Orkes.

Die volgende maand het verskeie ander vroue vorendag gekom met bewerings van seksuele wangedrag. Dutoit het 'n verklaring uitgereik wat alle bewerings ontken het.[1]

Verwysings[wysig | wysig bron]

  1. "Conductor denies coercion allegations". BBC News. 2017-12-23. Besoek op 2018-04-12.

Eksterne skakels[wysig | wysig bron]