Charl Wynand Malan

in Wikipedia, die vrye ensiklopedie
(Aangestuur vanaf Charles Wynand Malan)
Charl Malan was minister van spoorweë en hawens van 30 Junie 1924 tot 6 Februarie 1933.
Genl. J.B.M. Hertzog se Nasionale Party het in 1929 alleen 'n volstrekte meerderheid behaal, maar nietemin weer twee Arbeiders in sy kabinet ingelsuit. Kol. Frederic Creswell sit voor links langs dr. D.F. Malan, genl. Hertzog, N.C. Havenga en Piet Grobler. Agter staan Oswald Pirow, genl. Jan Kemp, A. Fourie, S. Jansen, Henry Sampson en Charl Wynand Malan.
Min. Malan se graf in die kerkhof van die moedergemeente op Wellington.

Charl Wynand Marais (Charlie) Malan (*Leeuwenjacht, Agter-Paarl, 9 Augustus 1883 – †Kaapstad, 6 Februarie 1933) was ’n Suid-Afrikaanse politikus en leidende figuur in die Kaapse politiek in die eerste derde van die 20ste eeu.

Hy is op 9 Augustus 1883 in die Paarl gebore. Hy was die negende seun van D.G. Malan, wat in die Kaapse politiek ’n belangrike rol gespeel het as voorsitter van die Paarlse tak van die Afrikanerbond. Charl se broer, sen. F.S. Malan, het ’n leidende rol in die Afrikanerbond en die Suid-Afrikaanse Party voor en ná Uniewording gespeel. Hy het opleiding in die regte aan die Victoria-kollege op Stellenbosch ontvang. Hy was een van die stigterslede van die Kaaplandse Nasionale Party. In 1915 is hy verkies tot lid van die Volksraad vir Humansdorp, waar hy as prokureur gepraktiseer het, en verteenwoordig dié kiesafdeling tot en met sy dood. Hy was organiserende sekretaris van die Kaaplandse Nasionale Party van 1919 tot 1924. In daardie jaar word hy minister van spoorweë en hawens in genl. J.B.M. Hertzog se eerste kabinet, ’n pos wat hy tot sy dood beklee.

Hy sterf op 6 Februarie 1933 in die ouderdom van 49 jaar.

Bronne[wysig | wysig bron]

  • Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.