Humansdorp

in Wikipedia, die vrye ensiklopedie
Humansdorp

(KwaNomzamo ingesluit)
Humansdorp se spoorwegstasie
Humansdorp se spoorwegstasie
Humansdorp is in Oos-Kaap
Humansdorp
Humansdorp
 Humansdorp se ligging in Oos-Kaap
Koördinate: 34°02′S 24°46′O / 34.033°S 24.767°O / -34.033; 24.767Koördinate: 34°02′S 24°46′O / 34.033°S 24.767°O / -34.033; 24.767
LandVlag van Suid-Afrika Suid-Afrika
ProvinsieOos-Kaap
DistrikSarah Baartman
MunisipaliteitKouga
Stigting1849
Oppervlak
 • Totaal34,5 km2 (13,3 vk. myl)
Hoogte
120 m (390 ft)
Bevolking
 (2011)
 • Totaal28 990
 • Digtheid840/km2 (2 200/vk. myl)
Rasverdeling (2011)
 • Wit mense6.7%
 • Indiërs/Asiërs0.3%
 • Bruin mense54.3%
 • Swart mense38.0%
 • Ander0.6%
Taal (2011)
 • Afrikaans 63.1%
 • Xhosa 31.4%
 • Engels 2.6%
 • Ander 2.9%
Poskode (strate)
6300
Poskode (posbusse)
6300
Skakelkode042
Webwerfhttp://www.portalfred.co.za/
Die kerkgebou van die NG gemeente Humansdorp.
Die museum op Humansdorp.

Humansdorp is 'n landelike dorp in die westelike gedeelte van die Oos-Kaap in Suid-Afrika. Humansdorp lê op ongeveer 4 kilometer afstand van die belangrike N2 nasionale pad tussen George en Port Elizabeth. Die dorp vorm deel van die Kouga Munisipaliteit wat Jeffreysbaai, Patensie, Hankey, St. Francisbaai en Oesterbaai insluit.

Geskiedenis[wysig | wysig bron]

Die dorp se ontstaan kan terugvoer word na die afstiging van die NG gemeente Humansdorp in 1849 van die NG gemeente Uitenhage. M.G. Human het in latere jare 'n stuk grond aan die Kerkraad van die NG Gemeente Humansdorp geskenk waarop dorpserwe uitgelê is in 1853. Aanvanklik was die kerkgebou opgerig te Kerkplaas in die distrik. Met die ontwikkeling van die dorpserwe het die kerkgebou geskuif na die nuwe dorp wat knus ontwikkel het naby die Kromrivier.

Ligging en afstande[wysig | wysig bron]

Humansdorp is baie strategies geleë, slegs 15 km van die bekende branderplankmekka Jeffreysbaai.

Afstande vanaf Humansdorp
Plek Padafstand
1. Port Elizabeth 90 km
2. Groot Stormsrivierbrug 70 km
3. Kareedouw 60 km
4. Patensie 45 km
5. Jeffreysbaai 15 km
6. St. Francisbaai 15 km
7. Kaap St. Francis 20 km
8. Oesterbaai 26 km

Die bekende Roete 62 begin hier.

Landboubedrywighede[wysig | wysig bron]

Vandag is Humansdorp die hartklop van die Kougastreek. Daar kan tereg verwys word na die streek as die "melkspens" van Suid-Afrika. Die Woodlands-melkery se aanleg is in die nywerheidsgebied, Panorama, geleë. Humansdorp is ook die sentrale punt van landboubedrywighede vir die nabye distrikte van die Gamtoosvallei, Langkloof en Tsitsikamma. Die Humansdorp Koöperasie is ook op die dorp geleë, met 'n ryk geskiedenis van diens aan die landbougemeenskap.

Skole en hospitale[wysig | wysig bron]

Die dorp beskik oor 'n hele aantal skole ondermeer die Laerskool Stulting, Graslaagte, Kruisfontein en Mzingizi. Die Hoërskole van Humansdorp is Nico Malan, Humansdorp Sekondêr en Lungiso. Die eerste vennootskapshospitaal in die Oos-Kaap was ook in 2005 op Humansdorp gevestig. Die vennootskap tussen die Oos-Kaapse Departement van Gesondheid en die Life-Hospitaalgroep het gelei tot die Kouga Vennootskapshospitaal wat uit twee afdelings bestaan, naamlik die Humansdorp Provinsiale (Staats-) Hospitaal en die Isivivana Privaat Hospitaal.[2]

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 Som van die hoofplekke Humansdorp en KwaNomzamo tydens 2011-sensus.
  2. Oos-Kaapse Departement van Gesondheid se webtuiste
  • Steyn, M. (1989). Honderd en Vyftig Jaar. Feesblad van die Nederduitse Gereformeerde Kerk Humansdorp, Humansdorp: NMB