Chelsea-blommeskou

in Wikipedia, die vrye ensiklopedie
Jump to navigation Jump to search
Een van die uitstallngs in 2014, genaamd Hope on the Horizon.
Tuin met Suid-Afrikaanse plante tydens die skou van 2014.
Die skou van 2012.

Die Chelsea-blommeskou is 'n groot blom-en-tuinskou wat jaarliks in Mei in Londen gehou word. Die skou duur 5 dae en word deur die Koninklike Tuinboumaatskappy (Royal Horticultural Society, RHS) in die Londense stadsdeel Chelsea georganiseer. Dit lok besoekers van heinde en ver.[1]

Die geleentheid word jaarliks deur sowat 150 000 mense besoek,[2] waaronder lede van die Britse koninklike familie, en kry uitgebreide aandag in die Britse media. Nuwe plant- en blom-variëteite word tydens die skou bekendgestel en tuinontwerpers bied skoutuine wat die nuutste tendense wys. Talle pryse word uitgedeel, waaronder pryse vir die beste tuin, beste stadstuin en beste blommerangskikking.

Geskiedenis[wysig | wysig bron]

Die blommeskou is vir die eerste keer in 1862 gehou en is destyds die Royal Horticultural Society Great Spring Show genoem. Daar word tans nog na die skou as die Great Spring Show verwys. Vir die eerste 26 jaar vind die geleentheid in Kensington plaas, waarna dit na Temple Gardens in hartjie van Londen verskuif is. In 1912 is Temple Gardens vir die Royal International Horticultural Exhibition gebruik en word die Great Spring Show na sy huidige ligging verskuif, die tuine rondom die Royal Hospital Chelsea, 'n ouetehuis vir Britse militariste.

Die Chelsea-blommeskou word sedert 1912 jaarliks aangebied, met uitsondering van die jare 1917–1918. Die skou is ook nie tydens die Tweede Wêreldoorlog gehou nie, maar vanaf 1947 is dit ononderbroke aangebied. In 2005 is die duur van die skou na vyf dae verleng.

Verwysings[wysig | wysig bron]

Eksterne skakels[wysig | wysig bron]

Koördinate: 51°29′11″N 0°9′28″W / 51.48639°N 0.15778°W / 51.48639; -0.15778