Cheryl Carolus

Cheryl Carolus (gebore 27 Mei 1958) is 'n Suid-Afrikaanse oud-politikus. Sy is gebore in Silvertown, op die Kaapse Vlakte, Kaapstad. Carolus het by die politiek betrokke geraak terwyl sy nog op skool was en 'n aktivis geword nadat sy in 1983 by die United Democratic Front aangesluit het. In Mei 1990 is Carolus verkies om deel te wees van die African National Congress se afvaardiging wat samesprekings met die apartheidsregering gevoer het en in Julie 1991 is sy tot die ANC se Nasionale Uitvoerende Komitee verkies.

Sy was getroud met Graeme Bloch, 'n onderwyskundige,^[1] wat in 2021 oorlede is. In 1998 het sy Suid-Afrika se Hoë Kommissaris in Londen geword. Tussen 2001 en 2004 was sy die hoof uitvoerende beampte van SA Toerisme (SATOUR).^[2] Sy was die Raadsvoorsitter vir Suid-Afrikaanse Nasionale Parke (SANParke),^[3] in 2009 het sy die pos as Raadsvoorsitter van die Suid-Afrikaanse Lugdiens aanvaar. Sy was ook voorsitter van Peotona Holdings, 'n beleggingsmaatskappy wat sake-ontwikkeling hanteer.

Carolus is 'n lid van die Uitvoerende Komitee van die Internasionale Krisisgroep.^[4] In 2015 was sy 'n trustee van die Britse Museum.

Verwysings[wysig | wysig bron]

↑ https://theconversation.com/profiles/graeme-bloch-125545
↑ https://www.southafrica.net/za/en/
↑ "About SANParks" (in Engels). Suid-Afrikaanse Nasionale Parke. Besoek op 26 Augustus 2023.{{cite web}}: AS1-onderhoud: url-status (link)
↑ https://www.crisisgroup.org/africa/southern-africa/south-africa

[1] ttps://theconversation.com/profiles/graeme-bloch-125545

[2] ttps://www.southafrica.net/za/en/

[3] "About SANParks" (in Engels). Suid-Afrikaanse Nasionale Parke. Besoek op 26 Augustus 2023.{{cite web}}: AS1-onderhoud: url-status (link)

[4] ttps://www.crisisgroup.org/africa/southern-africa/south-africa

[1]

[2]

[3]

[4]