Chilwameer
| Chilwameer | |
|---|---|
 Die Chilwameer uit die lug (vals kleur). | |
| Koördinate: | 15°18′S 35°42′O / 15.300°S 35.700°OKoördinate: 15°18′S 35°42′O / 15.300°S 35.700°O |
| Ligging: | Zomba-distrik,  Malawi |
| Soort: | Binnemeer |
| Lengte: | 60 km |
| Breedte: | 40 km |
| Opvangsgebied: | Malawi |
| Invloei: | Naisi, Thondwe, Phalombe, Songani, Domasi |
| Uitvloei: | Geen |
| Eiland/e: | Chisi |
Die Chilwameer is die tweede grootste meer in Malawi naas die Malawimeer. Dit is in die ooste van die Zomba-distrik, naby die grens met Mosambiek. Dit is sowat 60 km lank en 40 km breed, en word omring deur uitgebreide moeraslande. Daar is ’n groot eiland, Chisi-eiland, in die middel.
Die meer het geen uitvloei nie en die watervlak word in ’n groot mate beïnvloed deur seisoenreëns en somerverdamping. In 1968 het die meer verdwyn weens ’n groot droogte. Toe David Livingstone dit in 1859 besoek het, het hy berig die meer se suidgrens strek tot by die Mulanjemassief, wat beteken dit moes minstens 32 km langer gewees het as vandag. Die Deense Internasionale Ontwikkelingsagentskap werk saam met die Malawiese regering om die meer en moeraslande te bewaar. Die Lake Chilwa Basin Climate Change Adaption Programme (LCBCCAP) is ingestel om die sensitiewe gebied te bewaar – dit is nie net ’n belangrike moerasland vir die plaaslike dierelewe nie, maar ook ’n groot bron van visprodukte in die streek.[1]
Sowat 335 dorpies met meer as 60 000 inwoners[2] vang vis in die meer – tot 17 000 ton per jaar, of 20% van al die vis wat in Malawi gevang word.[3] Om die meer is omtrent 1,5 miljoen voëls van sowat 160 verskillende spesies. Van hulle migreer jaarliks van Siberië af.
Die menslike bevolking om die meer is dig en groei steeds aan; watervoëls word vir kos gevang en ’n oormaat hengelelaars skep probleme. Pogings word aangewend om te verseker daar word op ’n volhoubare manier gejag.[4]
Verwysings[wysig | wysig bron]
- ↑ "argiefkopie". Geargiveer vanaf die oorspronklike op 5 Maart 2016. Besoek op 13 Junie 2016.
- ↑ Kalinga, Owen J. M. (1 Januarie 2012). Historical Dictionary of Malawi (in Engels). Rowman & Littlefield. ISBN 9780810859616.
- ↑ "Livelihoods Drying Up on Malawi's Lake Chilwa | Inter Press Service". www.ipsnews.net. Besoek op 14 September 2015.
- ↑ Boere, G. C.; Galbraith, Colin A.; Stroud, David A. (2006). Waterbirds around the world: a global overview of the conservation, management and research of the world's waterbird flyways. The Stationery Office. p. 255. ISBN 0-11-497333-4.
{{cite book}}: Ongeldige|ref=harv(hulp)
Eksterne skakels[wysig | wysig bron]
Wikimedia Commons het meer media in die kategorie Chilwameer.
Hierdie artikel is vertaal uit die Engelse Wikipedia
