Civil parish

in Wikipedia, die vrye ensiklopedie
Jump to navigation Jump to search
'n Kaart van administratiewe parogieë in Engeland en administratiewe gemeenskappe in Wallis.

'n Civil parish of nie-kerklike administratiewe parogie is die laagste vlak van plaaslike regering in Engeland. Dit is ondergeskik aan distrikte en graafskappe, of aan 'n kombinasie van die twee, die unitary authority of unitêre owerheid.

Administratiewe parogieë varieer grootliks ten opsigte van hul oppervlak en bevolking en kan wissel van 'n dorpie met 'n bevolking van enkele honderd, tot 'n groot nedersetting met 80 000 inwoners. In enkele gevalle, waar stadstatus deur die Britse monarg verleen is, val 'n hele stad binne die gesag van 'n civil parish. Danksy hul uiteenlopende karakter word na administratiewe parogieë volgens die besluite van hul parogiale rade verwys as town (groter nedersetting), village (dorp), neighbourhood (buurt) of community (gemeenskap).

'n Geskatte 35 persent van die Engelse bevolking woon in administratiewe parogieë. Volgens amptelike statistieke was daar op 31 Desember 2013 altesaam 10 501 nie-kerklike parogieë in Engeland.[1]

Op 1 April 2014 het Queen's Park die eerste administratiewe parogie in Groter Londen geword.[2] Die skepping van parogieë in Londense boroughs was nie voor 2008 toegelaat nie.[3]

In Skotland en Wallis is administratiewe parogieë as plaaslike regeringseenhede deur communities of gemeenskappe vervang. In die Republiek Ierland en Noord-Ierland het nie-kerklike parogieë eweneens in onbruik verval, al is hulle nie formeel afgeskaf nie. Hul gebruik is tans beperk tot enkele regtelike doeleindes.

Sien ook[wysig | wysig bron]

Verwysings[wysig | wysig bron]