Clan Alpine-rif

Die Clan Alpine-rif voor die kus van die Namibiese Skedelkus is die oorsaak van twee groot skeepsrampe.

Dit lê ongeveer 8 km van die kus, suid van die mond van die Kunenerivier, 326° van Kaap Fria en by 18° 8′ suid en 11° 33′ oos. Op kaarte van die Britse admiraliteit was die ligging van die rotsplaat destyds as onseker aangedui. By sekere omstandighede kan die hoogste punte van sulke rotsbanke 'n gevaar vir die skeepvaart inhou.

Die Britse stoomskip Clan Alpine het vroegoggend van 13 Januarie 1890 op sy reis van Tilbury na Kaapstad hier probleme ervaar.

Kort voor middernag op Sondagaand 29 November 1942 het die skip Dunedin Star hier vergaan.

Lees ook

• Agulhasbank
• Aliwal-bank
• Protea-bank
• Sachsenburg
• Vema

Bibliografie

• Marsh, John en Lyman Anson: Skeleton Coast. Londen: Hodder & Stoughton, 1958.